फ्लोरिडा विद्यापीठात अचानक गोळीबार दोघांचा मृत्यू

फ्लोरिडामध्ये मोठी घटना घडली असून , तेथे आज स्टेट युनिव्हर्सिटीच्या कॉलेज कॅम्पसमध्ये एका बंदुकधारीने अंदाधुंद गोळीबार केला. ज्यामध्ये दोन जणांचा मृत्यू झाला आणि पाच जण जखमी झाले. गोळीबरातील संशयिताची ओळख पटली आहे. माहितीनुसार, स्थानिक डेप्युटी शेरीफच्या 20 वर्षीय मुलाने फ्लोरिडा स्टेट युनिव्हर्सिटीमध्ये जुन्या सर्व्हिस गनने विद्यार्थ्यांवर गोळीबार केला.

सध्या फिनिक्स इकनरला ताब्यात घेण्यात आले आहे. कॉलेज कॅम्पस देखील बंद करण्यात आला आहे. या घटनेनंतर लोकांमध्ये घबराटीचे वातावरण आहे. महितीनुसार, ही घटना गुरूवारी सकाळी 11:50 च्या सुमारास घडली, त्यानंतर कायदा अंमलबजावणी आणि आपत्कालीन सेवांनी तातडीने मदत केली.

सर्वांची सुरक्षा सुश्चित करण्यासाठी सूचना

रुग्णवाहिका आणि पोलिसांच्या गाड्या घटनास्थळी तातडीने पोहोचल्या, अधिकार्‍यांनी टेपने परिसर सुरक्षित केला. या घटनांमुळे विद्यार्थी त्यांचे फोन वापरताना स्पष्टपणे दिसले. तणावपूर्ण परिस्थितीत सर्वांची सुरक्षा सुनिश्चित करण्याच्या सूचना अधिकार्‍यांनी दिल्या.

परिस्थिती हाताळण्यात शेरीफ विभागाने महत्वाची भूमिका बजावली. शेरीफ वॉल्ट मॅकनील म्हणाले की, संशयिताला पुढील घटना न होता अटक करण्यात आली. मॅकनीलच्या मते, संशयित 18 वर्षापासून विभागाच्या रडारवर होता. “ आमच्या अधिकार्‍यांनी केलेल्या जलद कारवाईबद्दल आम्ही आभारी आहोत; त्यांच्या प्रयत्नांमुळ एक भयानक घटना टळली”

अनेक पिडितांना उपचारासाठी टालाहासी मेमोरियल हॉस्पीटलमध्ये नेण्यात आले. डॉ. जॉन स्मिथ यांनी पुष्टी केली की, एका पिडीतेची प्रकृती गंभीर आहे, तर इतरांची प्रकृती स्थिर आहे. जखमींची ओळख अद्याप जाहिर झालेली नाही. फ्लोरिडा विद्यापीठाचे अध्यक्ष जॉन थॅ्रशर यांनी बाधितांबद्दल शोक व्यक्त केला. विद्यार्थी आणि कर्मचार्‍यांसाठी मदत सेवा उपलब्ध असल्याचे अश्वासन दिले. “ आपल्या समुदायासाठी हा कठीण काळ आहे” असे ते म्हणाले.