भाजपला पहिल्यांदाच मिळणार महिला राष्ट्रीय अध्यक्ष?

भारतीय जनता पक्षाच्या नवीन राष्ट्रीय अध्यपदासाठी हालचालींना वेग आला आहे. महिला राष्ट्रीय अध्यक्षाच्या कल्पनेला आरएसएस कडून हिरवी झंडी दाखवण्यात आली आहे. भाजपच्या राष्ट्रीय अध्यक्षपदासाठी तीन महिला नेत्यांची नावे चर्चेत आहेत.

भारतीय जनता पक्षाच्या नवीन राष्ट्रीय अध्यक्षपदासाठी वरिष्ठ स्तरावर हालचालींना वेग आला आहे. पक्षाच्या इतिहासात पहिल्यांदाच एका महिलेला सर्वोच्च पद मिळण्याची अपेक्षा आहे. माहितीनुसार भाजप महिला नेतृत्वाच्या दिशेने एक मोठे पाऊल उचलणार आहे, ज्याची तयारी आता अंतिम टप्यात आहे.

पक्षाचे विद्यमान राष्ट्रीय अध्यक्ष जे.पी.नड्डा 2020 पासून पक्षाचा कारभार पाहत आहेत. शिवाय 2023 मध्ये त्यांच्या अध्यक्षपदाचा कार्यकाळ संपला होता, परंतु 2024 च्या लोकसभा निवडणुकीपर्यंत त्यांचा कार्यकाळ वाढविण्यात आला. आता निवडणुका संपल्या आहेत, त्यामुळे पक्ष नवीन अध्यक्ष नियुक्त करण्याची तयारी करत आहे. जरी हे महत्वाचे पद कोण भूषवेल याबद्दल सस्पेंस असला तरी, माहितीनुसार पक्षाला पहिल्यांदाच महिला अध्यक्ष मिळण्याची शक्यता आहे. सुत्रांच्या माहितीनुसार, तीन प्रमुख महिला नेत्या ज्या निर्मला सितारमण, दग्गुबती पुरंदेश्वरी आणि वनीती श्रीनिवासन या शर्यतीत आघाडीवर आहेत.

सध्याच्या अर्थमंत्री आणि माजी संरक्षण मंत्री निर्मला सितारमण यांना सर्वात प्रबळ दावेदारांपैकी एक मानले जात आहे. अलिकडेच त्यांनी पक्षोच अध्यक्ष जे.पी. नड्डा आणि सरचिटणीस बीएल संतोष यांच्यासोबत पक्ष मुख्यालयात उच्चस्तरीय बैठक घेतली. दक्षिण भारतात भाजपच्या विस्ताराच्या दृष्टीने तामिळनाडूमधील त्यांची राजकीय पार्श्वभूमी आणि प्रभावी नेतृत्व क्षमता महत्वाची मानली जाते. जर त्या अध्यक्ष झाल्या तर महिला आरक्षण विधेयकाच्या समर्थनार्थ पक्षाचा हा एक मजबूत संदेश असेल.

दग्गुबती पुरंदेश्वरी (डि. पुरदेश्वरी):

माजी केंद्रीय मंत्री आणि भाजपच्या आंध्र प्रदेश युनिट अध्यक्षा डी. पुरंदेश्वरी या देखील प्रमुख दावेदारांपैकी आहेत. त्या अनेक भाषनांमध्ये पारांगत आहेत आणि त्यांना व्यापक राजकीय अनुभव आहे. भारत सरकारच्या ऑपरेशन सिंदूर मोहिमेतही त्या सहभागी होत्या. ज्या युरोपातील अनेक देशांमध्ये जाऊन भारताच्या दहशवादाविरोधी धोरणांचे प्रतिनिधित्व करत होत्या.

वनीती श्रीनिवासन:

तामिळनाडूतील कोइम्बतूर (दक्षिण) येथील आमदार असलेल्या वकिलीतून राजकारणी झालेल्या वनीती श्रीनिवासन देखील या पदासाठी चर्चेत आहेत. त्या 1993 पासून भाजपशी संबंधित आहेत आणि महिला मोर्चाच्या राष्ट्रीय अध्यक्षा म्हणून काम करत आहेत. 2021 मध्ये, त्यांनी अभिनेता कमल हासन यांचा पराभव करून विधानसभेची जागा जिंकली. 2022 मध्ये, त्यांना भाजपच्या केंद्रीय निवडणुक समितीचे सदस्य बनवण्यात आले, ज्यामुळे ज्या या समितीतील पहिल्या तमिळ महिला ठरल्या. 1993 मध्ये भाजपमध्ये समील झाल्यापासून, वनीती श्रीनिवासन यांनी राज्य सचिव, सरचिटणीस आणि तामिळनाडूच्या अपाध्यक्षा यासह अनेक महत्वाच्या भूमिका बजावल्या आहेत.

पक्षाची रणनीती आणि सामाजिक संदेश :

अलिकडच्या काळात, विशेषत: महाराष्ट्र, हरियाणा आणि दिल्लीसारख्या राज्यांमध्ये भाजपला महिला मतदारांकडून प्रचंड पाठिंबा मिळाला आहे. याशिवाय पक्षाने 2023 मध्ये महिला आरक्षण विधेयक मंजूर केले, ज्यामध्ये लोकसभा आणि राज्य विधानसभांमध्ये महिलांना 330% आरक्षण देण्याची तरतूद आहे. अशा परिस्थितीत महिला अध्यक्षाची नियुक्ती पक्षाची रणनीती आणि सामाजिक संदेश दोन्ही मजबूत करू शकते.

आरएसएसची हिरवी झेंडी :

महितीनुसार, राष्ट्रीय स्वयंसेवक संघाने देखील महिला अध्यक्षाच्या कल्पनेला मान्यता दिली आहे. यावरून स्पष्ट होते की, पक्ष आता महिला नेतृत्वाकडे धोरणात्मक वाटचाल करत आहे. अलिकडच्या निवडणुकीत, विशेषत: महाराष्ट्र, हरियाणा आणि दिल्लीसारख्या राज्यांमध्ये, भाजपचा विजय सुनिश्चित करण्यात महिला मतदारांनी महत्वाची भूमिका बजावली आहे. जर भाजपने हे पाऊल पुढे टाकले, तर इतिहासात पहिल्यांदाच एखाद्या महिलेला राष्ट्रीय अध्यक्षपदाची संधी मिळाणार आहे.