भारताच्या नारीशक्तीने केलं ‘ऑपरेशन सिंदूर’च नेतृत्व; दोन महिला अधिकार्‍यांनी केली मोहिम फत्ते.

भारताच्या लष्करी इतिहासात आज एक नावा आणि प्रेरणादायी इतिहास लिहिला गेला. “ऑपरेशन सिंदूर ” संदर्भातील पत्रकार परिषदेमध्ये भारतीय लष्कराच्या कर्नल सोफिया कुरेशी आणि भारतीय हवाई दलाच्या विंग कमांडर व्योमिका सिंग यांनी परराष्ट्र सचिव विक्रम मिस्त्री यांच्या सोबतीने माध्यमांशी संवाद साधला. या प्रसंगी त्यांनी केवळ महिलांच्या नव्हे, तर संपूर्ण भारतीय लष्कराच्या नेतृत्व क्षमतेचं प्रतिकात्मक दर्शन घडवलं.

कर्नल सोफिया कुरेशी

भारतीय लष्कराच्या सिग्नल कोअरमधील अधिकारी असलेल्या कर्नल सोफिया कुरेशी यांनी यापूर्वीही अनेक ऐतिहासिक कामगिरी केल्या आहेत. मार्च 2016 मध्ये त्यांनी “ एक्सरसाइज फोर्स 18” या बहुराष्ट्रीय युद्धसरावामध्ये भारताच्या 40 सदस्यांच्या तुकडीचे नेतृत्व करताना पहिल्या महिलाा अधिकारी होण्याचा मान मिळवला होता. या सरावात 18 देशांनी सहभाग घेतला होता, ज्यामध्ये अमेरिका, चीन, रशिया, जपानसारख्या महत्वाच्या शक्तींचा समावेश होता.

या सरावामध्ये संयुक्त राष्ट्र शांतता मोहिम आणि मानवतेसाठी खाणमुक्ती (एचएमए) अशा गुंतागुंतीच्या विभागात त्यांनी आपल्या पथकाचे प्रभावी नेतृत्व केले. काँगोतील (यूएन) शांतता मोहिमेमध्ये 2006 साली त्यांनी लष्करी निरिक्षक म्हणून सहभाग घेतला होता आणि 2010 पासून त्या शांतता मोहिमांमध्ये सातत्याने कार्यरत आहेत. कुटुंबातील सैनिकी परंपरेला पुढे नेत कर्नल कुरेशी यांनी स्वत:चं व्यक्तिमत्व घडवलं आहे. त्यांचा आत्मविश्वास, धाडस आणि संयम हे गुण आज अनेक महिला अधिकार्‍यांसाठी प्रेरणास्थान ठरले आहेत.

विंग कमांडर व्यामिका सिंग

भारतीय हवाई दलातील व्यामिका सिंग यांच्याबाबात पत्रकार परिषदेमध्ये तपशीलवार माहिती देण्यात आली नसली, तरी त्यांचा या संवादातला सहभाग स्वत:च त्यांच्या सामरिक महत्वाच्या भूमिकेचं प्रतीक आहे. अशा उच्चस्तरीय परिषदेमध्ये उपस्थित राहणे हे त्यांच्या कार्यक्षमता, अनुभव आणि विश्वासार्हतेचं प्रत्यक्ष उदाहरण आहे.

“ ऑपरेशन सिंदूर” सारख्या संवेदनशील कारवाईवर बोलताना एका महिला हवाई अधिकार्‍याचा सहभाग हे भारतीय हवाई दलातील महिला अधिकार्‍यांचं उन्नत स्थान अधोरेखित करतो.

कर्नल कुरेशी आणि विंग कमांडर सिंग यांची संयुक्त माध्यमिक माहिती परिषद ही भारताच्या संरक्षण क्षेत्रातील महिलांच्या नेतृत्वाचा एक निर्णायक क्षण ठरली आहे. केवळ भूमिका बजावणार्‍या अधिकारी म्हणून नव्हे, तर धोरणात्मक निर्णय प्रक्रियेचा भाग म्हणून नव्हे, तर धोरणात्मक निर्णयप्रक्रियेचा भाग म्हणून त्यांनी उभं केलेलं उदाहरण भविष्यातील अनेक महिलांना लष्करी क्षेत्रात पुढे जाण्यासाठी प्रेरणा देणारं ठरेल.

“ ऑपरेशन सिंदूर” हे केवळ सामरिक यशाचं प्रतीक नाही, तर भारतीय लष्करातील समावेशी नेतृत्वाचं आणि महिलांच्या वाढल्या सहभागांची प्रतीक ठरत आहे.