मोठा खुलासा: दहशतवाद्यांना तहव्वूर राणाला पाकिस्तानचा पुरस्कार द्यायचा होता.

मुंबईवरील 26/11 हल्यानंतर तेहव्वूर राणा याला दहशतवाद्यांना पाकिस्तानचा निशान-ए-हैंदर पुरस्काळ मिळवून द्यायचा होता. असा खुलासा अमेरिकन परराष्ट्र विभागाच्या अहवालात केला आहे.

26/11 मुंबई दहशतवादी हल्ल्याचा मास्टरमाईंड तहव्वूर राणाला अखेर भारतात आणले. काल त्याला 18 दिवसाची एनआय कोठडी सुनावण्यात आली आहे. तहव्वूर राणाला पटियाला हाऊस एनआयए च्या विशेष न्यायालयात हजर करण्यात आले. शुक्रवारी रात्री उशिरा न्यायालयाची सुनावणी पूर्ण झाली. दरम्यान, आता तहव्वूर राणाबाबत अमेरिकेच्या परराष्ट्र विभागाने अहवालामधून काही खुलासे केले आहेत.

मुंबई दहशतवादी हल्ल्यानंतर त्याने त्याचा मित्र डेव्हिडला सांगितले होते की, दहशतवादी पाकिस्तानमधील सर्वोच्च लष्करी पुरस्कार निशान-ए-हैंदर ला पात्र आहेत. असा खुलासा अहवालातून समोर आला आहे.

मुंबईवर हल्ला होण्याआधी डेव्हीड याने रेकी केली होती. तो पाकिस्तानी दहशवाद्यांच्या सुचनेनुसार काम करत होता. या हल्ल्यात 166 लोकांचा मृत्यू झाला होता. यामध्ये 6 अमरिकन नागरिकांनाही आपला जीव गमवावा लागला. या हल्ल्यामध्ये जबाबदार असलेल्यांना शिक्षा झालीच पाहिजे, असं अमेरिकेच्या परराष्ट्र विभागाने म्हटले आहे. दहशतवादाविरोधात अमेरिका भारता सोबत आहे. असं डोनाल्ड ट्रम्प ही म्हणाले आहेत. आता तहव्वूर राणा याची एनआयए चौंकशी करणार आहे.

हल्ल्याबाबत गुपिते उलगडणार

तहव्वूर राणाकडून हल्ल्यासंबंधीची सर्व गुपिते उलगडण्याचा प्रयत्न केला जाणार असल्याचे एनआयएने म्हटले आहे. तहव्वूर राणा, डेव्हिड कोलमन हेडली उर्फ दाऊद गिलानीसह लष्कर-ए- तैंयबा आणि हरकत-उल-जिहादी इस्लामीला दहशतवादी हल्ले करण्यास मदत केली होती. मुंबईतील ताज हॉटेल आणि ओबेरॉयसह दहशतवाद्यांनी लक्ष्य केलेल्या ठिकाणी मोठ्या संख्येने परदेशी लोक उपस्थित होते. परदेशी नागरिकांवरही दहशवाद्यांनी गोळीबार केला होता.

तहव्वूरला 18 दिवसाची एनआयए कोठडी

शुक्रवारी रा़त्री उशीरा न्यायालयाची सुनावणी पूर्ण झाली आणि राणाला 18 दिवसांची कोठडी बजावण्यात आली. राणाला गुरुवारी भारतात आणले गेले. भारतात प्रत्यार्पणाला स्थगिती देण्याबाबत अमेरिकेच्या न्यायालयात केलेला अर्ज फेटाळण्यात आला. यानंतर राणाच्या प्रत्यार्पणासाठी भारतातील तपास यंत्रणाची पथके अमेरिकेत दाखल झाली आणि त्याला भारतात आणण्यात आले. आता राणाचा ताबा एनआयएने घतला असून पुढील कायदेशीर कारवाई सुरू करण्यात आली आहे.