राज्यात ऑरेंज अलर्ट, अनेक जिल्ह्यात मुसळधार पावसाची शक्यता !

मुंबईसह राज्यभरात मुसळधार पाऊस पडत आहे. राज्यातील अनेक जिल्हे मुसळधार पावसाच्या विळख्यात आहेत, तर बंगालच्या उपसागरात तयार झालेला चक्रीवादळाचा दाब सध्या महाराष्ट्राकडे सरकत आहे. त्यामुळे आज मुंबई आणि भारताच्या पश्चिम किनार्‍याशी जोडलेल्या अनेक ठिकाणी मुसळधार ते अतिमुसळधार पाऊस पडण्याची शक्यता आहे. त्यामुळे हवामान विभागाने अलर्ट जारी केला आहे.

भारतीय हवामान विभागाच्या (एमआयडी) च्या मते, बंगाल, ओडिशा, आंध्र प्रदेशच्या किनारपट्टी भागात जोरदार वारे आणि मुसळधार पाऊस सुरू झाला आहे. पुढील तीन-चार दिवस येथे हवामन खराब राहणार आहे. आयएमडीने मुुंबई, ठाणे, नवी मुंबई, पालघर आणि रायगड जिल्ह्यांसाठी ऑरेंज अलर्ट जारी केला आहे. या भागात काही ठिकाणी खूप मुसळधार पाऊस (115.6 मिमी पेक्षा जास्त) पडू शकतो. यासोबतच, समुद्रात जोरदार वारे आणि उंच लाटा उसळण्याची शक्यता आहे.

वाहतूक सेवेवर परिणाम:

पावसामुळे रस्त्यांवर पाणी साचून वाहतूक कोंडी होऊ शकते. बीएमसीने नागरिकांना गरज नसताना घराबाहेर पडू नये आणि वाहतूक आणि हवामान विभागाच्या ताज्या अपडेट्सकडे लक्ष देण्याचे आवाहन केले आहे. याशिवाय, पावसाचा परिणाम लोकल ट्रेन सेवांवरही दिसून येत आहे . विशेष: हार्बर आणि सेंट्रल लाईनवर, त्यामुळे येथील नागरिकांनीही सतर्क राहण्याची गरज आहे.

बीएमसी आणि एनडीआरएफ अलर्ट मोडवर :

बीएमसी (बृहन्मुंबई महानगरपालिका) ने सर्व वॉर्ड अधिकार्‍यांना हाय अलर्टवर ठेवले आहे. तसेच एनडीआरएफ ( राष्ट्रीय आपत्ती प्रतिसाद दल) पथके देखील तैनात करण्यात आली आहेत. जेणेकरून कोणत्याही आपत्कालीन परिस्थितीत त्वरित मदत करता येईल.