बीड जिल्ह्यात अतिशय दुर्मिळ आणि गंभीरपणे संकटग्रस्त असलेल्या लाँग-बिल्ड व्हल्चर (Gyps indicus) अर्थात भारतीय गिधाडाला जखमी अवस्थेत जीवदान देण्यासाठी वनविभागाच्या मदतीने सर्पराज्ञी वन्यजीव पुनर्वसन केंद्रात उपचार सुरू करण्यात आले आहेत. विशेष म्हणजे, या गिधाडाच्या पायावरील ओळख टॅगमुळे त्याचा मेळघाट ते बीडपर्यंतचा प्रवास उलगडला आहे.

सिरसदेवी-गडी (माजलगाव) मार्गावर हे गिधाड जखमी अवस्थेत आढळून आले. शेतकरी पवार यांनी तत्काळ वनविभागाला माहिती दिली. माहिती मिळताच विभागीय वन अधिकारी अमोल गर्कळ आणि वनपरिक्षेत्र अधिकारी अमोल सांगुळे यांच्या मार्गदर्शनाखाली वनपाल शिल्पा ससाने आणि वनरक्षक रामराव सोनकांबळे यांनी घटनास्थळी धाव घेत जखमी गिधाडाला ताब्यात घेतले.

त्यानंतर पुढील उपचार व पुनर्वसनासाठी त्याला तागडगाव येथील सर्पराज्ञी वन्यजीव पुनर्वसन केंद्रात दाखल करण्यात आले. केंद्राच्या संचालिका सृष्टी सोनवणे यांच्या देखरेखीखाली गिधाडाचे वजन, प्रकृती, शारीरिक स्थिती आणि उपचारांना मिळणारा प्रतिसाद यावर नियमित लक्ष ठेवले जात आहे. पूर्णपणे तंदुरुस्त झाल्यानंतर वनविभागाच्या मार्गदर्शनाखाली त्याला पुन्हा योग्य नैसर्गिक अधिवासात मुक्त करण्यात येणार आहे.

टॅगमुळे उलगडला मेळघाट ते बीडचा प्रवास

या गिधाडाच्या पायावर M87 आणि Z29 असे ओळख टॅग आढळले. बॉम्बे नॅचरल हिस्टरी सोसायटी (BNHS) मधील मनन सिंग महादेव यांच्याकडून मिळालेल्या माहितीनुसार, Z29 हा नर लाँग-बिल्ड व्हल्चर असून २ जानेवारी २०२६ रोजी मेळघाट व्याघ्र प्रकल्पातून संवर्धन कार्यक्रमांतर्गत मुक्त करण्यात आला होता.

पायावरील हे ओळख टॅग गिधाडांची भ्रमंती, स्थलांतर, अधिवासाचा वापर आणि जगण्याच्या पद्धतींचा वैज्ञानिक अभ्यास करण्यासाठी महत्त्वाचे ठरतात. मेळघाटमध्ये संवर्धन कार्यक्रमातून मुक्त करण्यात आलेल्या गिधाडाची बीड जिल्ह्यात नोंद होणे ही गिधाड संवर्धनाच्या दृष्टीने महत्त्वाची बाब मानली जात आहे.

“पायावरील टॅगमुळे या गिधाडाची ओळख आणि त्याचा मेळघाटपासून बीडपर्यंतचा प्रवास समजण्यास मदत झाली आहे. अशा नोंदी गिधाडांच्या भ्रमंतीचा आणि अधिवास वापराचा अभ्यास करण्यासाठी अत्यंत महत्त्वाच्या ठरतात.”

— सिद्धार्थ सोनवणे, मानद वन्यजीव रक्षक, बीड

‘M87’ आणि ‘Z29’ टॅग काय सांगतात?

या गिधाडाच्या पायावर असलेले M87 आणि Z29 हे ओळख क्रमांक संवर्धन संशोधनाच्या दृष्टीने महत्त्वाचे आहेत. अशा टॅगच्या माध्यमातून प्रत्येक पक्ष्याची स्वतंत्र ओळख ठेवता येते आणि त्याच्या पुढील हालचालींच्या नोंदी जोडता येतात.

हे गिधाड सामान्य वन्य पक्षी नसून गिधाड संवर्धन व पुनर्स्थापना कार्यक्रमांतर्गत मुक्त करण्यात आलेल्या पक्ष्यांपैकी एक आहे. त्याच्या हालचालींच्या नोंदीमुळे मुक्तीनंतर तो कोणत्या भागात गेला, कोणत्या अधिवासाचा वापर केला आणि त्याची भ्रमंती कशी झाली, याचा अभ्यास करता येतो.

मेळघाटमध्ये संवर्धन कार्यक्रम

बॉम्बे नॅचरल हिस्टरी सोसायटी (BNHS) आणि महाराष्ट्र वनविभागाच्या सहकार्याने मेळघाट व्याघ्र प्रकल्पात लाँग-बिल्ड व्हल्चरच्या संवर्धनासाठी कार्यक्रम राबविण्यात आला. उपलब्ध माहितीनुसार, पिंजोर, हरियाणा येथील गिधाड प्रजनन केंद्रात जन्मलेल्या पक्ष्यांना मेळघाटमध्ये आणून काही काळ नैसर्गिक परिस्थितीशी जुळवून घेण्याचे प्रशिक्षण देण्यात आले. त्यानंतर त्यांना ओळख टॅग लावून मुक्त करण्यात आले.

काही पक्ष्यांवर GSM/Satellite ट्रान्समीटर बसविण्यात आल्याने त्यांच्या हालचाली, भ्रमंतीचा मार्ग, अधिवासाचा वापर आणि अन्नशोध याबाबत वैज्ञानिक माहिती मिळविणे शक्य होते.

९० टक्क्यांहून अधिक घटलेली गिधाडांची संख्या

लाँग-बिल्ड व्हल्चर (Gyps indicus) ही गंभीरपणे संकटग्रस्त प्रजाती असून IUCN Red List मध्ये Critically Endangered म्हणून तिची नोंद आहे. भारतातील गिधाडांच्या संख्येत गेल्या काही दशकांत मोठी घट झाली आहे.

नाशिक: नाशिकमध्ये सिंहस्थ कुंभमेळ्यानिमित्ताने सुरू असलेल्या विविध कामांबाबत प्राधिकरणाकडून नगरसेवकांना प्रेझेंटेशन देण्यात येणार आहे. खरेतर मागच्याच महिन्यात त्यासाठी बैठकीचे आयोजन करण्यात आले होते. बैठकीसाठी नगरसेवक येऊन बसले मात्र, अधिकार्‍यांना येण्यास उशीर झाला. तोपर्यंत बहुतांश नगरसेवक रागात निघून गेल्याने कामांचे सादरीकरण होऊ शकले नाही. नगसेवकांनी भाजप शहराध्याक्षांकडे याबाबत तक्रार केली होती.

या प्रकारानंतर कुंळमेहा प्राधिकरणावर नगरसेवकांनी रोष व्यक्त केला. बैठक बोलावली जात नसल्याचे सांगत नाराजी व्यक्त केली. त्यानंतर आता कुंभमेळा प्राधिकरणाने नगरसेवकांची पुन्हा बैठक बोलावण्याची तयारी सुरू केली आहे. मात्र आधीच्या बैठकीतील अनुभव लक्षात घेता बैठकीत वाद वाढू नये यासाठी कुंभमेळामंत्री तथा पालकमंत्री गिरीश महाजन यांच्या उपस्थितीत कामांचे सादरीकरण करण्याची खेळी प्रशासनाकडून खेळण्यात येणार आहे.

नाशिकमध्ये कुंभमेळ्याची तयारी सुरू असून त्या निमित्ताने विविध विकास कामे सुरू आहेत. त्याबाबत प्राधिकरणाकडून नगरसेवकांना सविस्तरप माहिती दिली जाणार आहे. तसेच कुभ कामांबाबत नगरसेवकांच्या सूचना जाणून घेण्याची भूमिका प्राधिकरणाने घेतली आहे. महासभेत नगरसेवकांनी कुंभ कामकाजाबाबत अधिक माहिती देण्याची मागणी केली होती.त्यानुसार बैठक आयोजित देखील केली होती. परंतुू मागच्या बैठकीत झालेला गोंधळ व नाराजी पाहाता प्राधिकरण यावेळी वेगळी युक्ती वापरण्याच्या तयारीत आहे.

बैठकीत कुठलेही राजकारण होऊ नये, तसेच नगरसेवकांकडून होणारा संभाव्य विरोध टाळण्यासाठी प्राधिकरणाने आता पालकमंत्री गिरिश महाजन यांच्यासह पोलिस अधिकार्‍यांच्या उपस्थितीत बैठक घेण्याचे नियोजन सुूरू केले आहे. जेणेकरून होणारा विरोध टाळता येईल तसेच कुठला वाद होणार नाही असे नियोजन केले जात असल्याची चर्चा महापालिकेच्या राजकीय वर्तुळात रंगली आहे.

या बैठक नगरसेवकांकडून वेगवेगळे मुद्दे उपस्थितीत करून प्राधिकरणाला प्रश्न विचारले जाण्याची शक्यता आहे. जसे की, कुंभ विकास आराखड्यात महापालिकेने 61 रस्त्यांचा प्रस्ताव दिला होता. त्यापैकी आत्तापर्यंत 28 रस्त्यांनाच मंजुरी मिळाल्याने उर्वरित रस्त्यांचे काय, असा सवाला नगरसेवकांकडून उपस्थित करण्यात आला आहे. मंजुरीच्या प्रतिक्षेत असलेल्या प्रकल्पांबाबत प्राधिकरणाची भूमिका काय आहे, कोणत्या कामांना प्राधान्य दिले जात आहे आणि कुंभमेळ्यापूर्वी ही कामे पूर्ण करण्यासाठी काय नियोजन करण्यात आले आहे, याचे स्पष्टीकरण नगरसेवकांकडून मागितले जाण्याची शक्यता आहे.

नवी दिल्ली : वाहन कर्जाचा हप्ता थकल्यानंतर बँक किंवा फायनान्स कंपनीला मनमानी पद्धतीने वाहन ताब्यात घेता येणार नाही, असे सुप्रीम कोर्टाने स्पष्ट केले आहे. वाहन जप्त करण्यासाठी कर्ज करारातील अटी आणि कायदेशीर प्रक्रियेचे पालन करणे आवश्यक असल्याचे न्यायालयाने नमूद केले आहे. कर्जाचा हप्ता थकल्यानंतर संबंधित बँक किंवा फायनान्स कंपनीला वाहनाचा ताबा घेण्याचा अधिकार काही परिस्थितीत असू शकतो. मात्र त्यासाठी कर्जदाराला योग्य पूर्वसूचना देणे आणि करारातील तसेच लागू असलेल्या कायदेशीर प्रक्रियेचे पालन करणे बंधनकारक आहे.

विशेष: रिकव्हरी एजंट्सकडून धमकी देणे, दबाव आणणे, फसवणूक करणे किंवा बळाचा वापर करून वाहन उचलणे, अशा पद्धतींवर सुप्रीम कोर्टाने आक्षेप घेतला आहे. कर्जवसुली करताना नियमांचे पालन केले जात आहे की नाही, याची खात्री करण्याची जबाबदारी संबंधित संस्थांवर असल्याचेही कोर्टाने स्पष्ट केले आहे. दरम्यान, या निर्णयाचा अर्थ हप्ता थकल्यानंतर वाहन कधीही जप्त करता येणार नाही. असा नाही. कर्ज करारातील अटी, योग्य नोटिस आणि कायदेशीर प्रक्रिया पूर्ण केल्यानंतर वाहनाचा ताबा घेण्याची कारवाई करता येऊ शकते. त्यामुळे वाहन कर्जाचा हप्ता थकलेल्या ग्राहकांनी रिकव्हरी एजंटकडून धमकी किंवा बळजबरीची कारवाई झाल्यास संबंधित कागदपत्रे आणि नोटिसा जपून ठेवणे महत्वाचे आहे.

कोर्टाचे महत्वपूर्ण निरीक्षण : या प्रकरणात सुप्रीम कोर्टाने महत्वपूर्ण निरीक्षणे नोंदवली आहेत. कर्ज वसूल करण्याचा आधिकार करारांतर्गत तरी वसुलीसाठी बळाचा वापर घरात घुसून वसुली चालणार नाही, कोर्टाने चोला मंडल कंपनीला याचिकाकर्त्यांचे कर्ज खाते बंद करण्याचे, गाडी विकून मिळालेले 4 लाख 50 हजार रुपये 6% वार्षिक व्याजासह परत करण्याचे आणि मानसिक त्रास दिल्याबद्दल 10 लाख रुपये नुकसान भरपाई देण्याचे आदेश दिले आहेत. तसेच 50 हजार रुपये खटल्याचा खर्च ही ठोठावला आहे.

आरबीआयच्या मार्गदर्शन सूचना केवळ कागदावरच राहिल्या असून त्याची काटेकोरपणे अंमलबजावणी होत नसल्याचे कोर्टाने म्हटले आहे. बँका आणि एनबीएफसी नियमांचे पालन करत आहेत की नाही, हे बघण्याची जबाबदारी आरबीआय ची असल्याचे कोर्टाने सुनावले.

परभणी: बंजारा समाजाला अनुसूचित जमाती (एसटी) प्रवर्गात समाविष्ट करण्याच्या मागणीसाठी जिंतूर येथे सुरू असलेल्या आंदोलनाला सोमवारी (दि.21) अचानक हिंसक वळण लागले.. मागील अनेक दिवसांपासून उपोषण करणारे आंदोलक विनोद आडे यांनी आत्मदहन करण्याचा प्रयत्न केल्याने आंदोलनस्थळी एकच खळबळ उडाली. त्यानंतर संतप्त आंदोलकांनी अचानक रस्त्यावर उतरून रास्ता रोको केला, यावेळी आयशर ट्रक, ऑटो आणि स्कूल व्हॅनची तोडफोड करण्यात आल्याने शहरात काही काळ तणावाचे वातावरण निर्माण झाले.

बंजारा समाजाच्या एसटी आरक्षणाच्या मागणीसाठी विनोद आडे हे गेल्या अनेक दिवसांपासून उपोषण करत आहेत.शासनाने मागणीबाबत ठोस निर्णय घ्यावा, या मागणीसाठी आंदोलनाची तीव्रता वाढत आहे. सोमवारी आंदोलनस्थळी मोठ्या संख्येनपे समाजबांधव गोळा झाले असता विनोद आडे यांनी आत्मदहन करण्याचा प्रयत्न केल्याचे समोर आले.

या घटनेनंतर आंदोलनस्थळी मोठा गोंधळ निर्माण झाला आणि काही वेळातच आंदोलकांनी रस्त्यावर उतरून अचानक रास्ता रोको सुरू केला. यावेळी पोलिसांचा चोख बंदोबस्त तैनातीत असतानाही आंदोलकांनी वाहतूक रोखल्याने रस्त्यावर वाहनांच्या रांगा लागल्या. परिस्थिती नियंत्रणात आणण्यासाठी पोलिसांची धावपळ उडाली.

संतप्त आंदेालकांकउून रस्त्यावर असलेल्या आयशर ट्रक, ऑटो तसेच एका स्कूल व्हॅनची तोडफोड करण्यात आली. अचानक घडलेल्या या प्रकारामुळे वाहनचालक, नागरिक आणि परिसरातील व्यवसायिकांमध्ये भितीचे वातावरण निर्माण झाले आहे.

आंदोलनाला हिंसक वळण लागल्याची माहिती शहरात पसरताच व्यापार्‍योंध्येही मोठी घबराहट निर्माण झाली. संभाव्य अनुचित प्रकार टाळण्यासाठी अनेक व्यापार्‍यांनी आपापली दुकाने घाईघाईने बंद केली. त्यामुळे काही काळ बाजारपेठेत शुकशुकाट पसरला. आंदोलानाच्या पार्श्वभूमिवर पोलिस प्रशासनाने मोठा बंदोबस्त तैनात केला असतानाही अचानक रास्ता रोको आणि वाहनांची तोडफोड झाल्याने कायदा -सुव्यवस्थेचा प्रश्न निर्माण झाला आहे.

बंजारा समाजाच्या एसटी आसरक्षणाच्या मागणीसाठी सुरू असलेले आंदोलन दिवसेंदिवस तीव्र होत असताना सोमवारी घडलेल्या या प्रकारामुळे प्रशासनासमोर मोठे आव्हान उभे राहिले आहे. आंदोलकांच्या मागण्यांवर शासनाने तातडीने भूमिकरा स्पष्ट करावी. अशी मागणी होत असतानाच सार्वजनिक रस्ते अडविणे आणि वाहनांची तोडफोड करण्याच्या प्रकारामुळे शहरातील नागरिकांमध्ये चिंता व्यक्त होत आहे.

सोलापूर : आपल्याकडे परतीचा मान्सुम येतो, त्यामुळे आपल्याला 5 ऑक्टोबर पर्यंत दुष्काळ जाहीर करताच येत नाही. त्यामुळे शेतकर्‍यांनी आपली पिके न नांगरता पंचनाम्यासाठी वाट पाहिली पाहिजे, असं विधान पालकमंत्री जयकुमार गोरे यांनी केले आहे. सोलापुरात आज (दि.21) पालकमंत्री जयकुमार गोरे यांनी जिल्ह्यातील दुष्काळी परिस्थितीचा आढावा घेतला. त्यानंतर माध्यमांशी बोलताना पालकमंत्री गोरे यांनी हे विधान केले.

पालकमंत्री गोरे म्हणाले की, दुष्काळ जाहीर करण्याचे काही निकष असतात. पाच ऑक्टोबर ही केंद्र सरकारची परतीचा मान्सुम संपण्याची शेवटची तारीख आहे. त्यानंतर दुष्काळी परिस्थिती पाहून निर्णय घेतला जातो. त्यावर सरकार पूर्वतयारी करत आहे. जोपर्यंत पावसाच्या तारखा आहेत, तोपर्यंत आपल्याला पावसाची वाट पाहावी लागेल. त्यानंतरच दुष्काळी उपाययोजना करण्यात येतील.

कधी कधी एकाच दिवशी प्रचंड पाऊस पडातो, पण सध्या तशी परिस्थिती नाही. आपण सध्या प्रचंड संकटात आहोत. सर्व निकष पूर्ण करून आपले प्रस्ताव वेळेत सरकारकडे पाठविण्यासाठी आजची बैठक होती, असेही ग्रामविकास मंत्री गोरे यांनी स्पष्ट केले.

शेतकर्‍यांनी अपली पिके नांगरून न टाकता थांबलं पाहिजे. आपल्याला पंचनामे करेपर्यंत थांबलं पाहिजे, पण अधिकार्‍यांनी पिकांची माहिती घेतलेली आहे. काही पिकांना पाऊस पडूनही फायदा होणार नाही. काही पिकांना पाऊस पडला तर उभारी येऊ शकते. थोडीशी पिकं सुस्थितीत आहेत, ती बाहेरही पडू शकतात . कायद्याने सगळ्यांचे हात बांधलेले आहेत. सरकार म्हणून निर्णय जाहीर केला. तर ते तसे होत नाही, त्यामुळे शेतकर्‍यांनी आपली पिके न नांगरता पंचनाम्यासाठी वाट पाहिली पाहीजे असं अवाहन पालकमंत्री तथा ग्रामविकास मंत्री जयकुमार गोरे यांनी केले.

कल्याण: गणपती विसर्जन मिरवणूक पुढे- मागे घेण्याच्या कारणांवरून टिटवाळ्यात भाजप आणि ठाकरे गटाच्या कार्यकर्त्यामध्ये वाद झाल्याची घटना समोर आली आहे. या वादाचे रुपांतर कार्यकर्त्यांमधील बाचाबाची आणि झटापटीत झाल्याने काही काळ परिसरात तणावाचे वातावरण निर्माण झाले. भाजपच्या गरसेविका उपेक्षा भोईर आणि ठाकरे गटाचे सुरेश भोईर यांच्या घरगुती गणपती विसर्जनाच्या मिरवणुका सुरू असताना हा वाद झाल्याची माहिती आहे. मिरवणूक पुढे कोणाची आणि मागे कोणाची, यावरून दोन्ही गटांच्या कार्यकर्त्यांमध्ये वाद झाल्याचे सांगण्या येत आहे. त्यानंतर दोन्ही बाजूंचे कार्यकर्ते समोरा-समोर आल्याने काही काळ गोंधळाची परिस्थिती निर्माण झाली.

या प्रकरणी कल्याण पोलिसांनी शक्तिवान भोईर, नगरसेविका उपेक्षा भोईर, प्रदिप भोईर, सुरेश भोईर यांच्यासह दोन्ही गटांतील सुमारे 30ते 40 जणांविरोधात गुन्हा दाखल केला आहे. पोलिसांनी दिलेल्या माहितीनुसार 19 सप्टेंबर रोजी मध्यरात्रीच्या सुमारास टिटवाळ्यातील रेजन्सी सर्वम, श्रीकृष्ण हॉस्पिटल रोड, एमएनएस चौक आणि स्टेशन रोड परिसरात हा प्रकार घडला. गणपती विसर्जनासाठी निघालेली मिरवणूक पुढे - मागे घेण्याच्या कारणावरून दोन गटामध्ये वाद झाला. सुरुवातील दोन्ही बाजूंनी शिवीगाळ आणि दमदाटी करण्यात आली. त्यानंतर वाद वाढत जाऊन दोन्ही गटांतील व्यक्तीमध्ये धक्काबुक्की आणि मारहाण झाल्याचे पोलिसांच्या फिर्यादीत नमूद करण्यात आले आहे.

या घटनेमुळे परिसरातील सार्वजनिक सुव्यवस्थेला बाधा निर्माण झाल्याचे पोलिसांनी म्हटले आहे. तसेच ध्वनीक्षेपक वापरण्यासाठी आवश्यक परवानगी घेण्यात आली नसल्याचा अरोपही करण्यात आला आहे. शासनाने निश्चित केलेल्या वाद्यवृंद वाजविण्याच्या नियमांचे उल्लंघन तसेच जिल्हाधिकारी तथा जिल्हादंडाधिकारी यांच्या 11 सप्टेंबर 2026 रोजीच्या मनाई आदेशाचे उल्लंघन झाल्याचेही नमूद करण्यात आले आहे.

शक्तिवान भोईर आणि उपेक्षा भोईर यांच्या कार्यकर्त्यांकडून रस्ता अडवण्यात आल्याचाही आरोप तक्रारीत करण्यात आला आहे. या प्रकरणी कल्याण पोलिसांनी भारतीय न्याय संहिता 2023 मधील कलम 194,126,223 आणि 33(1)(3) अन्वये गुन्हा दाखल केला आहे. पोलिस शिपाई योगेश भोलानाथ निर्मळ यांनी सुमोटो फिर्याद दिली असून सहाय्यक पोलिस निरिक्षक काळे पुढील तपास करीत आहेत. गणपती विसर्जन मिरवणुकी दरम्यान झालेल्या या वादामुळे टिटवाळा परिसरात काही काळ तणावाचे वातावरण निर्माण झाले होते. घटनेची नेमकी पार्श्वभूमी, सहभागी व्यक्तींची भूमिका आणि नियमभंगाच्या बाबींचा पोलिसांकडून तपास सुरू आहे.

बुलढाणा: राज्याच्या राजकारणात पुन्हा एकदा राजकीय भूकंप झाला असून काँग्रेसला मोठा धक्का बसला आहे. भाजपने राजकीय खेळी करत थेट प्रदेशाध्यक्ष हर्षवर्धन सपकाळ यांनाच धक्का दिला आहे. हर्षवर्धन सपकाळ यांचे निकटवर्तीय कॉग्रेसचे माजी आमदार आणि माजी जिल्हाध्यक्ष राहुल बोंद्रे यांना गळाला लावले आहे. बोंद्रे यांनी काँग्रेसची साथ सोडली असून ते लवकरच भाजपमध्ये प्रवेश करणार आहेत. त्यांच्या प्रवेशाची तारीख देखील ठरली असून सपकाळ यांच्यासाठी हा मोठा धक्का मानला जात आहे.

विधानसभा निवडणुकीनंतर राज्याच्या राजकारणात काँग्रेसला लागलेली गळती अद्याप थांबण्याचे नांव घेत नाही. आता बुलढाण्यात काँग्रेसला मोठा धक्का बसला असून माजी आमदार तथा माजी जिल्हाध्यक्ष राहुल बोंद्रे यांनी पक्षाला रामराम ठोकला आहे. याबाबत त्यांनी फेसबुक पोस्टद्वारे माहिती दिली आहे. यामुळे जिल्ह्याहस चिखलीच्या राजकारणात मोठी राजकीय खळबळ उडाली आहे.

बोंद्रे यांनी आपल्या फेसबुकवर एक व्हिडिओ पोस्ट केला आहे. ज्यामध्ये त्यांनी, मागील 25 वर्षापेक्षा अधिक काळापासून मी राजकारण, सहकार, शिक्षण, बँकिंग आणि विविध क्षेत्राच्या माध्यमातून बुलढाणा जिल्ह्याशी नाळ जुळवून आहे. विशेष म्हणजे चिखली मतदारसंघातील नागरिकांसोबत या लोकांच्या संपर्कात राहून सेवा करत आहे. तर मी असो किंवा माझ्या परिवाराने राजकारणाकडे कधी व्यवसाय म्हणून पाहिले नाही. याकडे फक्त सेवा करण्याचे माध्यम असे पाहिलं आहे.

पैसा मिळणवण्यासाठी नाही तर इतरांना मदत करून, त्यांच्या सुख-दु:खात सहभागी होऊन आनंद मिळवायचा हा उद्देश आम्ही सातत्याने ठेवला आहे. या राजकीय प्रवासात मी सातत्याने माझ्या पक्षासोबत प्रामाणिक राहिलो, जनतेसोबत देखील प्रामाणिक राहिलो. हीच माझी संपत्ती आहे. तुम्ही या प्रवासात मला नगराध्यक्ष दोनदा विधानसभेत पाठवलं. माझ्या बोलण्यावर सहकारातल्यवा अनेक निवडणुकीत मतदान केलंत, यामुळे तुमचा विश्वास हाच माझ्यासाठी महत्वाचा आहे. तुम्ही, माझी जात,धर्म, पक्ष बघितला नाही. या सर्व भिंती तोडून मतदाराने मतदान केलंत, आपल्या कुटुंबातल्या सदस्याप्रमाणे प्रेम दिलं.

पण राजकीय आयुकष्यात अनेकदा निर्णय घेणं फार अवघड असतं. अनेक आठवणी, नाती आणि संबंध असतात, अशोवळी निर्णय घेणं फार अवघड असतं असं म्हणत त्यांनी आता एक अवघड निर्णय घ्यावा लागणार असल्याचे आपल्या पोस्ट केलेल्या व्हिडिओमध्ये म्हटलं आहे.

तसेच हा निर्णय आपल्या स्वार्थासाठी किंवा कोणत्या पदासाठी नाही तर माझ्यावर प्रेम करणार्‍या त्यासर्वांसाठी आहे तर चिखलीच्या राजकारणाची भविष्य ठरवण्यासाठी तो निर्णय घेत आहे. काहींना याबाबत प्रश्न पडू शकतात. काहींना तो पटेल तर काहींना वेळ लागेल. पण मी इतकंच सांगेन की राहुल बोद्रे मागी 25 वर्षात कधी बदलला नाही, पुढेही बदलणार नाही.

मार्ग बदलले पण माणसं नाही. माझा उद्देश नाही, राजकारणाची दिशा बदलेल पण मार्ग नाही, असे म्हणत ज्या पद्धतीने आतापर्यंत साथ दिली तशीच पुढेही द्या असा साद त्यांनी कार्यकर्त्यांना घातली आहे. तसेच यावेळी बोंद्रे यांनी काँग्रेससोबतच्या आपल्या प्रदिर्घ प्रवासाच्या आठवणींना उजाळा देखील दिला आहे. तर आता आपण भारतीय जनता पक्षात प्रवेश करण्याचा निर्णय घेतल्याचे राहुल बोंद्रे यांनी स्पष्ट केले आहे. तर येत्या 22 सप्टेंबर रोजी राहूल बोंद्रे यांचा भाजपमध्ये प्रवेश होणार असून मुंबईत मुख्यमंत्री देवेंद्र फडणवीस, प्रदेशाध्यक्ष रविंद्र चव्हाण यांच्या उपस्थितीत त्यांचा पक्षप्रवेश सोहळा संपन्न होणार आहे.

नागपूर : पायभूत सुविधांच्या अभूतपूर्व जाळ्यामुळे नारगपूर शहर आता केवळ महाराष्ट्राचे उपराजधानीशहर राहिलेले नाही, तर ते एक आधुनिक, आंतरराष्ट्रीय आणि शाश्वत दर्जाचे शहर म्हणून वेगाने उदयाला येत आहे. भविष्यातील शहराचा विस्तार, वाढती लोकसंख्या आणि औद्योगिक गरजा लक्षात घेऊन सुमारे 2000 एकर क्षेत्रात रोजगार केंद्रित असे ‘ नविन नागपूर’ विकसित करण्याचे महत्वकांक्षी नियोजन राज्य सरकारकडून हाती घेण्यात आले आहे. नागपूरच्या दौर्‍यावर आणि विविध विकासकामांच्या लोकार्पण सोहळ्यात बोलताना मुख्यमंत्री देवेंद्र फडणवी यसांनी सर्वसमावेशक भविष्यातील आराखड्यावर विशेष भर दिला.

शहराच्या सर्वांगीण विकासाचा आढावा घेताना मुख्यमंत्री फडणवीस म्हणाले की, पायाभूत सुविधांच्या माध्यमातून नागपूरला सुव्यवस्थित स्वरुप देण्याचा प्रामाणिक प्रयत्न सुरू आहे. शहराच्या वाहतूक व्यवस्थेला नवी दिशा देणार्‍या आणि उत्तर, मध्य आणि दक्षिण नागपूरला अधिक सक्षमपणे जोडणार्‍या 8.90 किलोमिटर लांबीच्या आणि सुमारे 998 कोटी रुपये लागत असलेल्या ‘ इंदोरा-दिघोरी उड्डाणपुलाचे ’ (डॉ केशव बळीरामपंत हेडगेवार उड्डाणपूल) डिजिटल लोकार्पण मुख्यमंत्री देवेंद्र फडणवीस आणि केंद्रिय रस्ते वाहतूक व महामार्ग मंत्री नितीन गडकरी यांच्या प्रमुख उपस्थितीत पार पडले. या विकासोत्सवाच्या पार्श्वभूमिवर नागपूरच्या संभाव्य विकासाचे चित्र अधिक स्पष्ट झाले.

पुढे बोलाताना मुख्यमंत्री फडणवीस म्हणाले, नागपूरकडे आज जागतिक स्तरावर एक प्रगतशील आणि अत्याधुनिक शहर म्हणून पाहिले जात आहे. पर्यावरणाचा समतोल राखत कचर्‍यापासून उर्जानिर्मितीचा पर्यावरणपूरक प्रकल्प, सिमेंट काँक्रीटच्या दर्जेदार रसत्यामुळे खड्ड्यांपासून मिळालेली मुक्ती आणि शहराभोवती उभारले जाणारे बाह्य रिंगरोड यांसारखे प्रकल्प या दिशेने टाकलेली भक्कम पावले आहेत. भविष्यातील शहराचा विस्तार लक्षात घेऊन आणखी एक नवीन रिंगरोड तयार केला जाणार असून, याद्वारे नागपूरला टॅ्रफिकमुक्त व प्रदूषणमुक्त ठेवण्याचे उद्दिष्ट आहे. याच मालिकेतील सर्वात महत्वाचे पाऊल म्हणजे सुमारे 2000 एकर क्षेत्रात उभारले जाणार ‘ नवीन नागपूर’ जे पूर्णपणे रोजगार केंद्रित असेल आणि युवकांसाठी रोजगाराच्या नवीन संधी निर्माण करेल असंही मुख्यमंत्री यावेळी म्हणाले.

नागपूर शहरात आगामी काळात प्रत्येक विधानसभा क्षेत्रात दोन मोठे विकासप्रकल्प राबविले जाणार असून शहरासाठी आगामी काळात 1 हजार कोटींची तरतूद उपलब्ध होणार असल्याची माहिती पालकमंत्री चंद्रशेखर बावनकुळे यांनी यावेळी दिली. दिक्षाभूमी विकासाचा आराखडा देखील मंजूर झाल्याचं पालकमंत्री बावनकुळे म्हणाले.

धाराशिव : मराठवाड्यात पावसाने ओढ दिल्याने सोयाबीनसह खरीप पिकांची अवस्था गंभीर झाली आहे. पावसा अभावी शेतातील खरिपाचे उभे पीक करपून गेले आहे. जूनच्या पहिल्या पावसाच्या ओलीवर संभाव्य पावसाच्या भरवश्यावर लाख मोलाचे खत-बीयानं मातीआड करून पेरणी केली. पेरणीनंतर कशीबशी रिमझीम पावसावर उगवन झाली मात्र उपयुक्त पावसाअभावी खरीपाला बहर आलाच नाही.

परिनामी पावसाअभावी शेतातील उभं पिक डोळ्यादेखत करपून गेलं. शेतातील करपलेल्या उभ्या पिकाकडं पाहून डोळ्यात पाणी येतं, शेती उत्पादनावर रंगवलेले लेकी बाळांच्या शिक्षणासह त्यांचे हात पिवळे करण्याचे स्वप्नतर भंगलेच पण आता जगावं कसं हा यक्ष प्रश्न शेतकर्‍यांसमोर उभा आहे, मायबाप सरकारने तात्काळ दखल घेवून मदत करण्याची मागणी शेतकर्‍यांतून होत आहे.

मराठवाड्यातील दुष्काळी परिस्थितीच्या पार्श्वभूमिवर राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी रविवार (दि.20) धारशिव जिल्ह्यातील रत्नापूर (ता. कळंब) येथील शेतांमध्ये प्रत्यक्ष बांधावर जाऊन खरीप पीकांची पाहाणी केली. यावेळी शेतकर्‍यांशी संवाद साधत त्यांनी पावसाअभावी निर्माण झालेली परिस्थिती, पिकांच्या नुकसानीसह त्यांच्या व्यथा जाणून घेतल्या.

पावसाअभावी अनेक शेतांमधील पीकं सुकून करपल्याचे पाहाणीतून दिसून आले. मगशागत, बियाणे, खते, औषधींसह पेरणीसाठी मोठा खर्च करूनही उत्पादन हातातून गेल्याचे नैराश्य शेतकर्‍यांच्या चेहर्‍यांवर स्पष्ट दिसून आले. पिकांची अवस्था पाहतान अनेक शेतकर्‍यांनी आमदार रोहित पवार यांच्यासमोर आपल्या व्यथा मांडल्या.

“पावसाअभावी डोळ्यादेखत शेतकर्‍यांचे सोयाबीन करपून गेले आहे, आसमानी संकटामुळे शेतकर्‍यांच्या डोळ्यात पाणी येत आहे. ही परिस्थिती अत्यंत वेदनादायी आहे. रत्नापूर परिसरातील सोयाबीनसह इतर खरीप पिकांचेही मोठ्या प्रमाणात नुकसान झाले आहे. शासनाने परिस्थितीचे गांभीर्य ओळखून तातडीने दुष्काळ जाहीर करावा.

नुकसानग्रस्त शेतकर्‍यांना 50 हजार रुपये एकरी मदत द्यावी. गेल्या वर्षीच्या अतिवृष्टिच्या पीकविम्याची रक्कम अद्याप मिळाली नसलेल्या शेतकर्‍यांना विम्याचे पैसे तातडीने द्यावेत. येत्या पाच दिवसांत चारा छावण्या सुरू कराव्यात. तसेच शेतकर्‍यांच्या मुलांच्या शैक्षणीक शुल्कात सवलत देऊन त्यांना मदत करावी” अशी मागणी आमदार रोहित पवार यांनी पत्रकारांशी बोलताना केली.

पुढे बोलताना रोहित पवार म्हणाले, “ शेतकर्‍यांच्या शेतात प्रत्यक्ष जाऊन पाहणी केल्यानंतर पावसाअभावी पिकांची झालेली दयनीय अवस्था स्पष्टपणे दिसून येत आहे. केवळ कागदोपत्री आढावा घेऊन चालणार नाही. शासनाने प्रत्यक्ष शेतात जाऊन नुकसानीचे पंचनामे करावेत आणि शेतकर्‍यांना तातडीने दिलासा द्यावा” असंही रोहित पवार म्हणाले.

पावसाने आणखी ओढ दिल्यास परिसरातील खरीप पिकांचे नुकसान वाढण्याची शक्यता आहे. त्यामुळे शासनाने तातडीने नुकसानीच सर्वेक्षण करून शेतकर्‍यांना आर्थिक मदत जाहिर करावी, अशी मागणी शेतकरी वर्गातून होत आहे. यावेळी राष्ट्रवादी काँग्रेसचे जिल्हाध्यक्ष प्रताप पाटील, कळंब तालुकाध्यक्ष तुषार वाघमारे, अविनाश जाधवर, गोविंद मुंडे यांच्यासह शेतकरी कार्यकर्ते उपस्थित होते.

नागपूर : जातियनिहाय जनगणनेत ओबीसींसाठी स्वतंत्र कॉलम ठेवण्यासह विविध मागण्यांसाठी ओबीसी समाज दिल्लीकडे जाणार आहे. आंदोलनाची रणनीती ठरविण्यासाठी आज विदर्भस्तरीय ओबीसी नेते पदाधिकारी आणि प्रमुख कार्यकर्त्यांची बैठक झाली. यावेळी एक नोव्हेंबरला ‘ चलो दिल्ली’ चा नारा देण्यात आला.

बैठकीनंतर माध्यमांशी बोलताना ओबीसी नेते तथा काँग्रेसचे विधीमंडळ नेते विजय वडेट्टीवार म्हणाले, ओबीसींची स्वतंत्र कॉलमसह जातिनिहाय जनगणना झाली पाहिजे,ही मागणी आहे. सरकारने जनगणनेच्या प्रक्रियेबाबत घेतलेल्या निर्णयामुळे ओबीसी समाजामध्ये असंतोष निर्माण झाला आहे. ओबीसींची खरी लोकसंख्या समोर आली नाही, तर त्यांच्या प्रतिनिधीत्वाचा आणि आरक्षणाचा प्रश्न अधिक गंभीर होऊ शकतो. त्यामुळे स्वतंत्र कॉलमसह जातिनिहाय जनगणना होणे अत्यावश्यक आहे, असे वडेट्टीवार यांनी सांगितले.

13 सप्टेंबर रोजी दिल्लीत सुमारे 65 ओबीसी संघटनांची बैठक झाली. या बैठकीतील निर्णयांच्या पार्श्वभूमीवर देशव्यापी आंदोलनाची तयारी सुरू झाली. दोन ऑक्टोबर रोजी गांधी जयंती व लालबहादूर शास्त्री जयंतीनिमित्त तालुका स्तरावर सत्याग्रह,25 ऑक्टोबर रोजी जिल्हास्तरीय आंदेालन व मोर्चे आणि त्यानंतर एक नोव्हेंबर रोजी ‘ चलो दिल्ली’ चा नारा देत देशव्यापी आंदोलन करण्यात येणार आहे.

मराठा आरक्षण आंदोलनाबाबत वडेट्टीवार म्हणाले की, सरकारने यापूर्वीच्या आंदोलनामध्ये आश्वासने आणि कागदपत्रांच्या माध्यमातून तोडगा काढण्याचा प्रयत्न केला. आता जरांगे यांनी मांडलेल्या मागण्यांवर सरकारनेे घेतलेल्या निर्णयांचा अभ्यास होईल असंही वडेट्टीवार म्हणाले.

मुंबई: मुुुंबई उच्च न्यायालयाने सहा वर्षापूर्वी झालेल्या दिशा सालियान मृत्यू प्रकरणाचा तपास सीबीआयकडे दिला आहे. त्यानंतर सीबीआयने वडील सतीश सालियान यांचा जबाब नोंदवून घेतला आहे. यामध्ये त्यांनी अनेक बड्या नेत्यांवर गंभीर आरोप केले आहेत. मात्र, या प्रकरणी कोणाचेही नाव घेता गुन्ह्याची नोंद करण्यात आली आहे. तर दुसरीकडे सतीश सालियान यांनी माजी मंत्री अदित्य ठाकरे यांच्या विरोधात 500 कोटींचा अब्रू नुकसानीचा दावा केला आहे. तर दुसरीकडे याच प्रकरणावर उद्धव ठाकरे यांच्या सेनेचे नेते व आमदार वरुण सरदेसाई यांनी टीका आणि आरोप करणार्‍यांनाव थेट खुले आव्हान दिले आहे. तुम्ही पुरावे द्या अन्यथा आम्ही जास्त काळ शांत बसणार नाही, अशा शब्दांत त्यांनी सुनावले आहे. त्यामुळे येत्या काळात पुन्हा या प्रकरणावरून वातावरण तापण्याची शक्यता आहे.

दिशा सालियान प्रकरणात गुन्हा दाखल झाल्यानंतर मााजी मंत्री आदित्य ठाकरेंवर वेगवेगळे आरोप करण्यात येत आहेत. त्याबाबत कोणाकडेच पुरावे नाहीत. या प्रकरणात कसलाच पुरावा नाही, केवळ प्रसिद्धिसाठी मीडियासमोर बडबड करत असल्याची टीका आमदार वरूण सरदेसाई यांनी केली आहे.

आदित्य ठाकरे यांच्यावर आरोप करणारे जे लोक आहेत, त्यांना माझे खुले आव्हान आहे की त्यांनी एक तरी पुरवा दिला पाहिजे. पुरावे नसतील आणि आरोप केले जात असतील तर आम्ही कायदेशीर मार्गाने कारवाई करूच. परंतु आजा आम्ही फार काळ शांत बसणार नाही, असा थेट इशाराच वरुण सरदेसाई यांनी दिला आहे.

दरम्यान, दिशा सालियान प्रकरणात गुन्हा दाखल झाल्यानंतर आदित्य ठाकरेंवर वेगवेगळे आरोप करण्यात आले. यास आरोपानंतर त्यांनी एक्स या समाजमाध्यमावर आपली भूमिका स्पष्ट केली. मी दिशा सालियान यांना ओळखत नाही. मी त्यांना कधीही भेलेलो नाही, असे त्यांनी त्या ट्विटमध्ये स्पष्ट केले. परंतु त्यानंतर नवा वाद सुरू झाला आहे.

या प्रकरणी दिशा सालियानचे वडील सतीश सालियान यांनी आदित्य ठाकरे यांनी 500 कोटींची आब्रूनुकसानीची नोटीस पाठवली. ही नोटीस देण्यासाठी ते खुद्द मातोश्रीवर निघाले होते. परंतु कलानगरच्या प्रवेशद्वारावरच पोलिसांनी त्यांना अडवले आणि आदित्य ठाकरेंच्याा वकिलांनी 500 कोटींच्या दाव्याची नोटीस स्वीकारली. दरम्यान, आता आदित्य ठाकरे या नोटिशीला काय उत्तर देणार हे पाहणे महत्वाचे ठरणार आहे.

छत्रपती संभाजीनगर : मनोज जरांगे पाटील यांना मी पंचवीस वर्षापासून ओळखतो, त्यांच्यावर केले जाणारे आरोप हे त्यांना बदनाम करण्यासाठी केले जात आहेत. ते कितीही कोटी दिले तरी विकले जाणार नाहीत हे लक्षात आल्यामुळे त्यांच्याविरोधात राजकीय षडयंत्र रचले गेले आहेत, असं या सगळ्या आरोपावरून स्पष्ट होत आहे. माझ्यावर जरांगे पाटील यांना सहा कोटी रुपये दिल्याचा आरोप करणार्‍याला आपण कायदेशीर धडा शिकवू, असा इशाराही शिवसेनेचे आमदार अब्दुल सत्तार यांनी दिला. मनोज जरांगूे पाटील यांनी आंदोलनच करू नये, अशी आपली इच्छा होती, त्यासाठी अंतरवाली सराटीत आपण त्यांची भेट घेतली होती असंही आमदार सत्तार म्हणाले, मनोज जरांगे पाटील यांची शनिवारी (दि.19) हॉस्पीटमध्ये भेट घेतल्यानंतर आमदार सत्तार माध्यमांशी बोलत होते.

संभाजीनगरमध्ये गॅलॅक्सी हॉस्पीटलच्या आवारात माध्यमांशी बोलताना आमदार सत्तार म्हणलो, मी मनोज जरांगेच्या प्रकृतीची चौकशी करण्यासाठी त्यांना भेटलो. रुग्णालयातून सुटी झाल्यानंतर पुन्हा अंतरवाली सराटीत जाऊन त्यांची भेट घेणार असल्याचं सत्तार यांनी माध्यमांना सांगितलं.

मी मनोज जरांगे पाटील यांना संजय शिरसाट यांची बदनामी करण्यासाठी सहा कोटी रुपये दिले, मला पालकमंत्री व्हायचे आहे, हा आरोप करणारा जो कोणी आहे, त्याच्या बुद्धीची कीव येते. त्याचा बंदोबस्त कसा करायचा? कायदेशीररित्या त्यांच्यावर कशी कारवाई करायची? या संदर्भात आपण वकिलाशी बोलणार आहोत. संजय शिरसाट हे माझे मित्र आहे, जिल्हा बँकेच्या निवडणुकीत मीच त्यांचा सूचक होतो. त्यामुळे अशा आरोपांमध्ये काही तथ्य नाही. असे बिनबुडाचे आरोप करणार्‍या व्यक्तीची लायकी देखील तपासली पाहिजे, असे म्हणत सत्तार यांनी आपल्यावरील आरोप फेटाळले.

जरांगे पाटील यांनी मराठा समाजासाठी मोठा लढा उभारला आहे. त्यांना व त्यांच्या आंदोलनाला बदनाम करण्याचेच टेंडर कुणी दिले आहे का? अशी शंका आता येऊ लागली आहे, असा चिमटाही आमदार सत्तार यांनी काढला.

नांदेडमध्ये दुष्काळी आढावा बैठकीत खासदार संजय जाधव यांनी काजू-बदमांवर ताव मारण्याच्या प्रकारावरून होणार्‍या टिकेवर आमदार सत्तार म्हणाले, लोकप्रतिनिधींनी संवेदनशिलता दाखवावी, सगळे खापर आधिकार्‍यांवर फोडून चालणार नाही. तरी देखील संजय जाधव यांना माफ करावे अशी विनंतीही त्यांनी यावेळी केली.

मराठवाड्यासह राज्यात दुष्काळाची परिस्थिती लक्षात घेता राज्य सरकारने तातडीने दुष्काळ जाहीर करावा, यासाठी आपण मुख्यमंत्री, उपमुख्यमंत्र्यांची भेट घेणार असल्याचंही सत्तार यावेळी म्हणाले.

छत्रपती संभाजीनगर: मराठा आरक्षण आंदोलक मनोज जरांगे पाटील यांनी बीडच्या पाटोदा येथे उपोषण स्थगित केले. प्रकृती खालवल्याने त्यांच्यावर संभाजीनगरच्या गॅलॅक्सी हॉस्पीटलमध्ये उपचार सुरू आहे.पाटोदा येथे चर्चेनंतर मंत्री राधाकृष्ण विखे पाटील आज शनिवारी (दि.19) हॉस्पीटलमध्ये जरांगे पाटलांची भेट घेतली.

मराठा आरक्षणाच्या विविध मागण्यांसाठी जरांगे पाटील आझाद मैदानामध्ये आंदोलनासाठी मुंबईकडे कूच केली होती. आंतरवाली सराटी येथून मंगळवारी (दि.15) शहागड (ता. आंबड), गेवाराई (जि.बीड), बीड, मांजरसुंबा (जि. बीड) मार्गे पाटोदा येथे पहिल्या मुक्कामाच्या ठिकाणी असताना मध्यराती त्यांची प्रकृती अचानक बिघडली. श्री क्षेत्र नारायणगडाचे महंत शिवाजी बाबा महाराज यांच्या आग्रहाने जरांगे पाटील यांनी बुधवारी (दि.16) उपचार घेतले. प्रकृतीत सुधारणा झाल्यानंतर गुरुवारी (दि.17) दुपारनंतर मुंबईकडे कूच करणार असल्याचं जरांगे पाटील यांनी पत्रकार परिषदेत जाहीर केले. मात्र, बुधवारी पहाटेच सरकारचे शिष्टमंडळ पाटोद्यात दाखल झाले. मंत्री राधाकृष्ण विखे पाटील, मंत्री दादा भूसे, आमदार प्रसाद लाड यांच्या शिष्टाईने जरांगे पाटील यांनी उपोषण सोडले.

उपोषण सोडल्यानंतर त्यांना तात्काळ छत्रपती संभाजीनगरच्या गॅलॅक्सी हॉस्पीटलमध्ये उपचारार्थ दाखल करण्यात आले. त्यांच्यावर उपचार सुरू असताना आज शनिवारी (दि.19) मंत्री विखे पाटील यांनी हॉस्पीटमध्ये जरांगे पाटील यांची भेट घेतली. विखे पाटील यांनी त्यांच्या प्रकृतीची विचारपूस केली असता जरांगे पाटील यांनी वेदनांची आपबिती सांगितल. ‘ तुम्ही लवकर बरे व्हाल किमान पाच ते सहा दिवसात तुम्हाला हॉस्पीटलमधून डिस्चार्ज मिळेल. काळजी नसावी मागण्यांबाबत जे ठरलं आहे तेच होईल, तुम्ही नावे दिले की त्यानुसार त्यां व्यक्तींचा समितीमध्ये समावेश करुन कार्यवाही सुरू होईल असे अश्वासही मंत्री विखे पाटील यांनी यावेळी दिले.

बीड: बीडच्या केज तालुक्यातील टाकळी येथील हॉटेल व्यवसायिक विलास घुले याची हत्या करण्यात आली होती. भांडण मिटवण्यासाठी गेल्यानंतर विलास घुलेची हत्या करण्यात आली होती. या हत्या प्रकरणात सुरूवातीपासून बीडचे खासदार बजरंग सोनवणे यांच्या मुलाचं नाव फिर्यादीपक्षाकडून पुढं येत आहे.

अशातच आता या प्रकरणात सीआयडी तपासानंतर मोठी घडमोड समोर आली आहे.

विलास घुले हत्याप्रकरणात सीआयडीकडून मोठी अपडेट समोर आली आहे. यसा प्रकरणात दहा आरोपिविरोधात केज न्यायालयात 200 पनी दोषारोपपत्र सादर करण्यात आल्याची माहिती सीआयडीच्या तपासी अधिकार्‍यांनी दिली. दि.15 सप्टेंबर रोजी केज न्यायालयात हे दोषारोपपत्र दाखल करण्यात आले आहे. सीआयडीच्या अधिकार्‍यांनी दोषारोप पत्र दाखवले नाही असा आरोप रमेश घुले (मयत विलास घुले यांचे बंधू) यांनी केला आहे.

घुले कुटुंबियांकडून खासदार बजरंग सोनवणे यांच्या मुलाचा सौरव सोनवणे याचा या हत्याकांडात सहभाग असल्याचा आरोप वारंवार करण्यात आला होता. मात्र सीसीटीव्ही आणि सीडीआर च्या तपासात त्यांचा सहभाग आढळून आला नसल्याची माहिती पोलिसांकडून देण्यात आली आहे. त्यामुळे आता बजरंग सोनवणे यांनी सुटकेचा निश्वास सोडला असावा असे म्हणणे वावगे होणार नाही.

दरम्यान, या प्रकरणाचा सुरुवातील काही दिवस केज पोलिसांकडून तपास करण्यात आला. त्यानंतर आयपीएस अधिकार्‍यांच्या अध्यक्षतेखाली एसआयटी ने जवळपास दोन महिने तपास केला. पुढे तपास सीआयडीकडे वर्ग करण्यात आला आणि आता सीआयडी कडून न्यायालयात दोषारोपत्र सादर करण्यात आलं आहे. त्यामुळे या प्रकरणात आता न्यायालयीन प्रक्रियेलाव सुरुवात झाली आहे.

हिंगोली: नांदेडमध्ये मराठवाड्याच्या दुष्काळी आढावा बैठकीत मंत्री, खासदारांनी काजू- बदामांवार ताव मारल्याचे तीव्र पडसाद उमटताना दिसत आहेत. आढवा बैठक आटोपून हिंगोली जिल्ह्यात दुष्काळाची पाहाणी करण्यासाठी आलेल्या कृषीमंत्री दत्तात्रय भरणे यांना शेतकर्‍यांच्या संतापाला सामोरं जावं लागलं. टाकळगाव येथे कृषीमंत्री दत्तात्रय भरणे यांचा ताफा आडवून संतप्त शेतकर्‍यांनी मंत्री भरणे यांच्यासमोर काजू-बदाम ठेवून नांदेडमधील बैठकीत घडलेल्या प्रकाराचा निषेध केला.

मराठवाड्यासह राज्यभरात पावसाने ओढ दिल्याने निर्माण झालेली दुष्काळी परिस्थिती आणि करपणार्‍या पिकांमुळे शेतकरी हवालदिल झाला आहे. अशा गंभीर परिस्थितीत शेतकर्‍यांचे प्रश्न आणि व्यथा समजून घेण्यासाठी शनिवारी नांदेडच्या जिल्हा नियोजन सभागृहात एक विशेष आढावा बैठक आयोजित करण्यात आली होती.

मात्र दुष्काळाच्या भीषण वास्तव आणि शेतकरी संकटावर गांभीर्याने चर्चा करण्याऐवजी बैठकीला उपस्थित नेते, वरिष्ठ अधिकार्‍यांनी काजू- बदामांवर ताव मारल्याचे उघडकीस आले. या संपूर्ण प्रकाराचा व्हिडिओ सोशल मिडियावर तुफान व्हायरल झाला असून राजकीय वर्तुळात मोठी खळबळ उडाली आहे.

त्याघटनेनंतर आता दुष्काळाची पाहणी करायला गेलेल्या कृषीमंत्री दत्तात्रय भरणेंना शेतकर्‍यांनी बशीतून काजू-बदाम दिले, त्यानंतर आपली निवेदने दिली, यावेळी हिंगोलीमध्ये राज्याचे कृषिमंत्री दत्तात्रय भरणे हे शेतकर्‍यांच्या बांधावरली पाहणी करण्यासाठी गेले असता त्यांना शेतकर्‍यांनी घेराव घातला. बैठकीत बसून काजू-बदाम खाऊ नका ठोस उत्तर द्या असं म्हणत शेतकर्‍यांनी कृषीमंत्री दत्तात्रय भरणे यांच्यावर प्रश्नांचा भडीमार केला.

आंदोलक शेतकर्‍यांची समजूत काढताना कृषीमंत्री दत्तात्रय भरणे म्हणाले, पाहाणी करण्यासाठी आढावा बैठक आपल्या विभागाची घेतली होती. आज या बैठकीमध्ये अनेक आमदार, खासदारांनी आपली अनेक मतं मांडली, सर्वांनी शेतकरी कसा अडचणीत आहे, शेतकर्‍यांच्या पिकाची अवस्था काय आहे याविषयी त्यांनी माहिती दिली. त्याबाबत सर्व आढावा घेतला आहे आणि निश्चितप्रकारे मी तुम्हाला आश्वासित करू इच्छितो, या विभागातील सर्व शेतकर्‍यांचे शेवटी पीक गेलेलं आहे. पीक जळालेले आहेत, पीक हातून गेले आहे, या पिकांवर माझ्या या शेतकरी बांधवांनी अनेक स्वप्न रंगवली होती.

ती स्वप्न आता भंग झालेली आहेत. या अडचणीच्या काळामध्ये संकटाच्या काळामध्ये जेवढी म्हणून शेतकर्‍याला जास्त मदत करता येईल, त्या बाबतीमध्ये राज्याचे मुख्यमंत्री यांनी निर्णय घेतलेला आहे. आम्ही पण सगळे शेतकर्‍यांबरोबर आहोत, सकटाचा सामना आपल्या सर्वांना करावा लागेल, याला सामोरे जावं लागेल, राज्य सरकार म्हणून जी काही मदत करता येईलआणि ज्या ज्या योजनांमधून शेतकर्‍यांना मदत करता यईल, ती मदत त्यांना निश्चित प्रकारे करू, आम्ही शेतकर्‍यांना वार्‍यवावर सोडणार नाही मी शेतकर्‍यांना आश्वासित करतो, असंही कृषीमंत्री भरणे म्हणाले.

त्याचबरोबर या काळामध्ये पिण्याचे पाणी असून द्या, चारा टंचाई असू द्या, या बाबतीत भविष्यामध्ये कोणतीही कमतरता होणार नाही. पशुधनाला चारा कमी पडणार नाही आणि पिण्याचे पाणी कमी पडणार नाही याबबतीमध्ये कलेक्टर यांना नियोजन करायला सांगितलं आहे. शेतकर्‍यांच्या सर्व भावना मुख्यमंत्र्यांपर्यंत पोहोचवल्या जातील, असं अश्वासनही मंत्री भरणे यांनी आंदोलक शेतकर्‍यांना दिल. कृषीमंत्री दत्तात्रय भरणे यांना शेतकर्‍यांनी काजू-बदाम भेट दिले. शिवसेनेचे जिल्हा प्रमुख संदेश देशमुख यांच्यासह अनेक शेतकर्‍यांनी कृषी मंत्र्यांचा निषेध केला.

नांदेड: राज्यातील अनेक भागांमध्ये पावसाअभावी शेती संकट आली असून शेतकरी पिकांच्यास नुकसानीमुळे चिंतेत असताना नोंदडमध्ये झालेल्या दुष्काळ आढावा बैठकीचे आयोजन करण्यात आले आहे. या दुष्काळी बैठकीत संतापजनक प्रकार समोर आला. दुष्काळासारख्या संवेदनशील मुद्यावर लोकप्रतिनिधी आणि अधिकार्‍यांनी चर्चा करण्या आधी चक्क काजू-बदामांवर ताव मारला. बैठकीत काजू-बदामावर ताव मारल्याचा व्हिडिओ सोशल मीडियावर व्हायरल झाल्यानंतर प्रशासनाने बैठकीतील काजू- बदामांच्या प्लेट हटवल्या. शेतकर्‍यांप्रती दाखवलेल्या असंवेदनशीलतेमुळे राज्य सरकारवर टीकेची झोड उठली आहे.

अधिकारी-नेतेमंडळींनी शेतकर्‍यांना जखमेवर मीठ चोळले आहे. अशा संतप्त भावना विरोधकांनी व्यक्त केल्या. या प्रकाराचा व्हिडिओ समोर आल्यानंतर राजकीय वर्तुळासह सोशल मीडियावरूनही टीका सुरू झाली आहे.

राज्याचे कृषिमंत्री दत्तात्रय भरणे यांच्या उपस्थितीत नांदेड जिल्हाधिकारी कार्यालयातील नियोजन भवनात मराठवाड्यात दुष्काळी परिस्थितीचा आढावा घेण्यासाठी बैठक आयोजित करण्यात आली होती. बैठकीला राज्यमंत्री मेघना बोर्डीकर पालकमंत्री अतुल सावे, नांदेडचे खासदार रवींद्र चव्हाण, परभणीचे खासदार संजय जाधव, खासदार रामराव वडकुते, हिंगोलीचे खासदार नागेश पाटील आष्टिकर, खासदार कल्याण काळे, खासदार अजित गोपछडे, आमदार प्रताप पाटील चिखलीकर, हेमंत पाटील, चंद्रकांत नवघरे, बाबुराव पाटील कोहळीकर, सैईद खान, कैलास पाटील, अमर राजुरकर, तुषार राठोड, आनंदराव पाटील बोंढारकर, यांच्यासह आजी- माजी खासदार, आमदार तसेच अधिकारी उपस्थित होते. माजी मुख्यमंत्री अशोक चव्हाण हे दुरदृश्य प्रणालीद्वारे सहभागी झाले आहे. राज्यातील अनेक भागांत पावसाचे प्रमाण कमी असल्याने खरीप पिकांच्या नुकसानीचा प्रश्न गंभीर बनला आहे. शेतकर्‍यांकउून नुकसानभरपाई आणि दुष्काळ जाहीर करण्याची मागणी होत असतानाच ही बैठक पार पडली.

विशेष म्हणजे या बैठकीत उपस्थित असलेले मंत्री, आमदार, खासदार काजू बदामावर ताव मारत असलेला व्हिडीओ व्हायरल झाल्यामुळे सर्व सामान्यांमध्ये संतापाची लाट उसळली आहे. यानंतर शिवसेना खासदार बंडू जाधव यांनी होऊ द्या माझ्यावर टीका, माध्यमांनी हा फालतू प्रश्न उपस्थित केल्याचे वृत्तवाहिन्यांच्या प्रतिनिधींना तावातावाने सांगितले. मराठवाड्यासह विदर्भातील पिके करपून गेली आहेत. खरीपातील सोयाबीन,बाजरी, कापुस, तुर, उडीद, मुग, भूईमुग यासह कडधान्यांचे उत्पान शेतकर्‍यांच्या हातून गेले. पावसाअभवी खरीप पिकं करपून गेल्याने आधिच बीयाने-खतांचा खर्च आणि त्यात हाता तोंडाशी आलेला खरीपाच घास हिरावल्याने शेतकरी दुहेरी संकटात सापडला आहे. राज्यातील मोठ्या धरणांच्या पाणीसाठ्यात वाढ झाली असली तरी लघू व मध्यम तलाव कारडे ठाक आहेत.

सिंचना अभावी पाणीपातळी खलावल्याने पावसाळ्यात बहूतांश गावखेड्यांसह वाडी वस्ती तांड्यांना टँकरची आस आहे. तहान भागवण्यासाठी पावसाळ्यात नागरिकांना भटकंती करावी लागत असल्याचे चित्र सध्या ग्रामीण भागात असून जनावरांच्या चारापाण्यांचा प्रश्न गंभीर बनला आहे. या पार्श्वभूमिवर मराठवाड्यातील दुष्काळाचा आढावा घेण्यासाठी नांदेडमध्ये आज शनिवारी (दि.19 सप्टेंबर) बैठक संपन्न झाली. बैठक दुष्काळाच्या आढव्याची असतानाही मंत्री, लोकप्रतिनिधी काजू- बदामावर ताव माराताना दिसले. मंत्री, लोकप्रतिनिधी काजू- बदामावरप ताव मारत असल्याचा व्हिडिओ व्हायरल झाल्याने विरोधकांनी प्रचंड नाराजी व्यक्त केली. त्यातही खासदार संजय (बंडू) जाधव काजू-बदामावर ताव मारत असल्याचा व्हिडिओ प्रचंड व्हायरल झाल्याने त्यांच्यावर टिकेची झोड उठवली आहे.

या बैठकीला शिवसेना (शिंदे) खासदार बंडू जाधव काजू-बदाम खाताना दिसल्याने त्यांची चर्चा सुरू झाली आहे. शेतकरी उद्ध्वस्त झालेला असताना मंत्री काजू- बदाम कसे खाऊ शकतात, असा सवाल शिवसेना ठाकरे गटाचे आमदार अंबादास दानवे यांनी उपस्थित केला आहे.यांना राज्यातील परिस्थितीची जाणीव तरी आहे का? असा प्रश्न उपस्थित करत त्यांनी जोदार टिका केली. हतबल शेतकर्‍यांच्या दु:खाची यांना काहीच जाणिव नसल्याची टीका ठाकरे गटाच्या प्रवक्त्या सुषमाव अंधारो यांनी केली.

मुख्यमंत्र्यांनी प्रशासनावर खापर फोडले: याबाबत मुख्यमंत्री देवेंद्र फडणवीस यांनी प्रशासनावर खापर फोडलं आहे. बैठकीच्या वेळी प्रशासन ड्राय फूट आणते. मात्र, दुष्काळाची बैठक असताना हे टाळायला हवं होतं, अशा वेळी संवेदनशील राहिले पाहिजे. या शब्दांत त्यांनी प्रशासनाचे कान टोचले. त्याचवेळी दुष्काळ आहे म्हणून कोणी हे जाणूबुजून केले नाही, असं म्हणत त्यांनी बाजू सावरण्याचा प्रयत्न केला. मंत्रीमंडळ बैठकीत दुष्काळावर चर्चा झाली आहे. त्यामुळे शेतकर्‍यांना आवश्यक ती मदत देण्याचा सरकारचा प्रयत्न आहे, याकडे मुख्यमंत्र्यांनी लक्ष वेधले. तसेच दुष्काळी उपाययोजना करून शेतकर्‍यांना दिलासा देण्याचा प्रयत्न करत असल्याचेही मुख्यमंत्री फडणवीस म्हणाले.

छत्रपती संभाजीनगर : मराठवाड्याचे प्रश्न ऐनवेळेस टपकलेले नाहीत, अनेक काळापासून ते चालत आलेले आहेत. मराठवाडा लढणारा आहे निजामाबरोबर लढणारा मराठवाडा आहे. लढण्याची पार्श्वभूमि असणारा हा मराठवाडा रडणारा कधी झाला. रजाकाराबरोबर लढताना जो संघर्ष झाला. रक्तरंजीत संघर्ष, तो रक्तपात होता. त्यामध्ये मराठवाड्याने किती आत्माहूती दिली आणि मराठवाडा आपल्या देशात आल्यानंतर गेल्या 75 वर्षात किती शेतकर्‍यांनी आत्महत्या केल्या. आकडे काढले तर कदाचीत हुतात्म्यांपेक्षा शेतकरी आत्महत्या जास्त असतील असा आरोप करत माजी मुख्यमंत्री उद्धव ठाकरे यांनी महायुतीसरकारवर जोरदार हल्ला चढवला.

मराठवाडा मुक्तीसंग्राम दिनी (दि.17 सप्टेंबर) छत्रपती संभाजीनगरमध्ये शिवसेना (उद्धव बाळासाहेब ठकारे) पक्षाच्या वतिने जन आंदोलन ‘ तुम से ना हो पाएगा’ कार्यक्रमाचे आयोजन करण्यात आले होते. कार्यक्रमास संबोधित करताना उद्धव ठाकरे बोलत होते. विधान परिषदेचे माजी विरोधीपक्षनेते आंबादास दानवे, माजी खासदार चंद्रकांत खैरे यांच्यासह शिवसेनेचे पदाधिकारी उपस्थित होते.

पुढे बोलताना उद्धव ठकारे म्हणलो, सरदार वल्लभभाई पटेल यांचा गुजरातमध्ये जगातील सर्वात मोठा पुतळा उभारला, पण सरदार वल्लभभाई पटेल यांनी ज्या दिवशी जिन्ना गेला त्याच दिवशी ऑपरेशन पोलो राबवून निजामाला गुडघ्यावर टेकले आणि मराठवाडा भारतात आणला. पण, तुमची हिंमत आहे का? पाकव्याप्त काश्मिरमध्ये फौजा घुसवण्याची. यांनी पश्चिम बंगालची निवडणूक जिंकायची, भाजपसाठी जिंकायची म्हणून यांनी तिथे फौजा घुसवल्या, देशासाठी फौजा नाही घुसवल्या यांनी. लातुरमध्ये एका शेतकर्‍यांला मुख्यमंत्र्यांनी बैल दिला, त्या बैलाच्या खांद्यावर जू ठेवलं तर तो बैल गपकन बसला. त्याच्या उपचाराचा खर्च शेतकर्‍याच्या डोक्यावर मग हे सरकारच्या मंत्रीमंडळातील बसे बैलं तुम्हाला न्याय देतील? असा प्रश्न उपस्थित करत त्यांनी मुख्यमंत्री फडणवीस यांच्यासह सरकारवर घणाघाती टिका केली. मुक्तीदिनी हुतात्म्यांच्या स्मारकाला पुष्पचक्र वाहिले पण आजही आम्हाला अन्यायापासून मुक्ती पाहिजे.

आजचे पेपर पाहिले तर पहिल्या पानांवर मोठमोठ्या जाहिराती गद्दारांनी दिलेल्या. या सर्व जाहिरांतींचा खर्च एकत्रित करून मराठवाड्याला दिला असता, तर मराठवाड्याचं थोडं तरी कल्याण झालं अशी टिका करत त्यांनी वृत्तपत्रातील बातम्यांचा अधार घेत मराठवाड्याचा अनुशेष 60 हजार कोटींवर गेल्याचा दावा ठाकरे यांनी केला. कालच्या कॅबिनेट बैठकीत चिंत व्यक्त केली म्हणे, चिंता.. शेजारच्य कर्नाटक सरकाने जिथे काँग्रेसच सरकार आहे .त्या सरकारने 27 ऑगस्ट रोजीच दुष्काळ जाहीर करून मदतीला पण लागल. ‘पण आम्ही पंचांग वाले, आम्ही मुहूर्त बघतो बरे’ पंंचांगामध्ये 5 ऑक्टोबरचा मुहूर्त दिलाय म्हणे, अशी मिश्किली टिका करत शेतर्‍यांच्या मरणाची वाट पाताय तुम्ही.? शेतकरी पंचांग बघून आत्महत्या नाही करत तो दु:ख भोगून आत्महत्या करतोय असे खडे बोलही ठाकरे यांनी महायुती सरकारला सुनावले.

खड्ड्यात घाला तुमचे मुूहूर्त 5 आक्टोबर पासून यांचे पंचनामे सुरू होणार. जोपर्यंत यांचे पंचनामे चालू राहतील तापर्यंत कित्तेक शेतकर्‍यांच्या आत्महत्या झालेल्या असतील. जबाबदार कोण या शेतकर्‍यांच्या आत्महत्यांना हे सरकार जबाबदार आहे. माझा जाहीर आरोप आहे की, सरकारची सीबीआय चौकशी करा. निर्घुनपणाने तुम्ही सत्ता भोगताहात तुम्हाला शेतकर्‍यांचं तुम्हाला काही घेणं नाही. आत्ता दुष्काळ आहे आणि आता दुष्काळ जर जाहीर केला तर दुष्काळाच्या सवलती तुम्हाला लागू करव्या लागतीलच. जरांगे पाटील आपलेच आहेत पण आमदार खासदार विकत घेणारे आता पुरस्कारही विकत घेत आहेत. निर्लज्जपणाने ते आपल्यालाच म्हणतील हमारे जैसा तुमसे न हो पायएगा असं म्हणत उद्धव ठाकरे यांनी महायुती सरकारसह मुख्यमंत्री फडणवीस, उपमुख्यमंत्री एकनाथ शिंदे यांच्यावर घणाघाती टिका केली.

बीड: मराठवाडा मुक्तीसंग्राम दिनाचे औचित्य साधून बीड- हडपसर (पुणे) या नवीन रेल्वे सेवेचा बीड स्थानकावरून थाटात शुभारंभ करण्यात आला . राज्याच्या उपमुख्यमंत्री तथा बीडच्या पालकमंत्री सुनेता पवार यांच्या हस्ते या रेल्वेला हिरवा झेंडा दाखवण्यात आला. मात्र, या अत्यंत महत्वकांक्षी आणि बहुप्रतिक्षित प्रकल्पाच्या उद्घाटनाला जिल्ह्याचे प्रमुख नेते मंत्री पंकजा मुंडे आणि परळीचे आमदार धनंजय मुंडे या दोघांचीही अनुपस्थिती राहिल्याने राजकीय वर्तुळात जोरदार चर्चा रंगली आहे.

बीडच्या रेल्वे स्वप्नासाठी स्वर्गीय लोकनेते गोपीनाथराव मुंडे यांनी मोठा संघर्ष आणि सातत्याने पाठपुरावा केला होता. कार्यक्रमादरम्यान उपस्थितांनी स्व. मुंडे साहेबांच्या या योगदानाचा विशेष उल्लेखही केला. खुद्द पालकमंत्री सुनेत्रा पवार जिल्ह्याच्या दौर्‍यावर आलेले असताना धनंजय मुंडे आणि पंकजा मुंडे यांची अनुपस्थिती सर्वांचे लक्ष वेधून घेणारी ठरली. दोघांच्याही गैरहजेरीमागील अधिकृत कारण अद्याप समोर आले नसले तरी महायुतीतील अंतर्गत समीकरणांमुळे ही उपस्थिती होती की अन्य काही कारणांमुळे याबाबत तर्क-वितर्क लढवले जात आहेत.

एकीकडे प्रमुख नेत्यांची अनुपस्थिती चर्चेत असताना दुसरीकडे या ऐतिहासिक सोहळ्याला स्थानिक नागरिकांचाही अत्यल्प प्रतिसाद पाहायला मिळाला. प्रशासनाच्या वतीने या सोहळ्यासाठी भव्य असा सभा मंडप उभारण्यात आला होता.

उपमुख्यमंत्री सुनेत्रा पवार यांनी या प्रसंगी बोलताना म्हणाल्या की, पुढच्या वर्षी बीडवरून थेट पुणे रेल्वे सुरू करू, असा शब्द अजितदादांनी बीडकरांना दिला होता. आज तो शब्द पूर्ण झाला आहे. या रेल्वेमुळे बीड आणि पुणे या दोन्ही जिल्ह्यांच्या विकासाला मोठी चालना मिळेल. या कार्यक्रमाला खासदार बजरंग सोनवणे आमदार अमरसिंह पंडित, आमदार प्रकाश सोळंके यांच्यासह जिल्ह्यातील अनेक लोकप्रतिनिधींसह व रेल्वेचे वरिष्ठ अधिकारी उपस्थित होते.

बीड : मराठवाडा मुक्ती संग्राम दिनाचे औचित्य साधत बीडकरांसाठी आजचा दिवस अत्यंत ऐतिहासिक व आनंददायी ठरला आहे. अनेक दशकांपासून प्रतीक्षेत असलेल्या 'बीड-पुणे' थेट रेल्वेसेवेचा आज राज्याच्या उपमुख्यमंत्री तथा बीड जिल्ह्याच्या पालकमंत्री सुनेत्रा पवार यांच्या हस्ते हिरवी झेंडी दाखवून शानदार शुभारंभ करण्यात आला. याच भरगच्च कार्यक्रमात बीडच्या सांस्कृतिक आणि शैक्षणिक विकासाला मोठी चालना देणाऱ्या यशवंतराव चव्हाण नाट्यगृहाच्या नूतनीकरणाचे आणि धानोरा रस्त्यावरील 'पंढरी' येथील विज्ञान उद्यान व तारांगण प्रकल्पाचे भूमिपूजनही मोठ्या उत्साहात पार पडले.

खासदार बजरंग सोनवणे, आमदार प्रकाश सोळंके, आमदार विजयसिंह पंडित या लोकप्रतिनिधींची प्रमुख उपस्थिती होती. तसेच प्रशासकीय पातळीवर उपमुख्यमंत्र्यांचे सचिव डॉ. राजेश देशमुख, जिल्हाधिकारी विवेक जॉन्सन, जिल्हा परिषदेचे मुख्य कार्यकारी अधिकारी जितीन रहमान आणि जिल्हा पोलीस अधीक्षक नवनीत कावत हे प्रामुख्याने उपस्थित होते. बीड जिल्हा अनेक दशके रेल्वे नकाशापासून दूर असल्याने शेतकरी, विद्यार्थी, व्यापारी आणि नोकरदार वर्गाला मोठ्या अडचणींचा सामना करावा लागत होता. मात्र, केंद्र व राज्य सरकारच्या सहकार्यातून आज सुरू झालेल्या या थेट रेल्वेसेवेमुळे बीडकरांची अनेक वर्षांची प्रतीक्षा अखेर संपुष्टात आली आहे.

याप्रसंगी बोलताना उपमुख्यमंत्री सुनेत्रा पवार यांनी दिवंगत नेते अजित पवार यांच्या स्वप्नांना उजाळा दिला. बीड जिल्ह्याचे पालकमंत्री म्हणून काम करताना त्यांनी रेल्वे जोडणीला नेहमीच प्राधान्य दिले होते. गेल्या वर्षी १७ सप्टेंबर २०२५ रोजी बीड-अहिल्यानगर रेल्वेसेवा सुरू करताना, पुढील वर्षी बीडकरांना थेट पुण्यापर्यंत प्रवास करता येईल, असा शब्द देण्यात आला होता. आज तोच शब्द पूर्ण करताना मराठवाड्याची कन्या म्हणून मला विशेष अभिमान वाटत आहे, अशी भावनिक प्रतिक्रिया त्यांनी व्यक्त केली. तसेच, येत्या काही महिन्यांत बीड ते पनवेल ही थेट रेल्वेसेवा सुरू करण्याचा मानस व्यक्त करत, बीड-परळी मार्ग पूर्ण झाल्यानंतर हा मार्ग थेट दक्षिण भारताशी जोडला जाईल आणि त्यामुळे मराठवाड्याच्या विकासाला मोठी गती मिळेल, असा विश्वासही त्यांनी यावेळी व्यक्त केला.

रेल्वेच्या शुभारंभासोबतच बीड शहराच्या वैभवात भर घालणाऱ्या दोन महत्त्वाच्या प्रकल्पांची मुहूर्तमेढ आज रोवली गेली. बीडच्या स्थानिक कलाकारांसाठी अनेक दशकांपासून हक्काचे व्यासपीठ असलेल्या यशवंतराव चव्हाण नाट्यगृहाच्या नूतनीकरणासाठी ८ कोटी १९ लाख रुपयांचा निधी प्रशासकीय पातळीवर मंजूर करण्यात आला असून, जुन्या भिंती कायम ठेवत येथे अत्याधुनिक ध्वनी व प्रकाश व्यवस्था, साउंड इकोस्टिक, सेंट्रल एसी, आरामदायी आसनव्यवस्था आणि आधुनिक ग्रीन रूम्स उभारण्यात येणार आहेत. यासोबतच, धानोरा रस्त्यावरील "पंढरी" येथे सुमारे २८ कोटी रुपये खर्चाचे भव्य तारांगण व विज्ञान उद्यान उभारले जाणार आहे. या प्रकल्पाच्या पहिल्या टप्प्यासाठी जिल्हा नियोजन समितीमार्फत १४ कोटी रुपयांना मंजुरी मिळाली असून, या ठिकाणी विद्यार्थ्यांना मातृभाषेतून कृत्रिम बुद्धिमत्ता (एआय), आभासी तंत्रज्ञान आणि खगोलशास्त्राची सविस्तर माहिती उपलब्ध होणार आहे.

कार्यक्रमाच्या समारोपात पालकमंत्री सुनेत्रा पवार यांनी १७ सप्टेंबर या मराठवाडा मुक्ती संग्राम दिनानिमित्त हैदराबाद मुक्ती संग्रामात हौतात्म्य पत्करलेल्या व तुरुंगवास भोगलेल्या सर्व ज्ञात-अज्ञात स्वातंत्र्यसैनिकांना विनम्र आदरांजली वाहिली. तसेच, आज पंतप्रधान नरेंद्र मोदी यांचा वाढदिवस असल्याने त्यांनाही मंचावरून हार्दिक शुभेच्छा देण्यात आल्या. बीड जिल्ह्याच्या सर्वांगीण विकासासाठी आणि येथील जनतेचे जीवनमान उंचावण्यासाठी शासन कटिबद्ध असल्याची ग्वाही देत, मराठवाडा मुक्तीसंग्राम दिनाच्या सर्वांना शुभेच्छा देऊन या दिमाखदार सोहळ्याची सांगता झाली.

यावेळी रेल संख्या “झिरो वन फोर झिरो वन” प्रस्थान के लिए तयार है हा आवाज परिसरात घुमला. शिट्टीचा तीव्र स्वर घुमला, इंजिनाने दमदार गर्जना केली आणि पाहता पाहता, झिरो वन फोर झिरो वनने आपल्या पुढच्या प्रवासासाठी वेग घेतला.

भारतीय रेल्वेचा महाराष्ट्र राज्याच्या विकासात योगदान या विषयावर निबंध आणि चित्रकला स्पर्धेमधील उत्तीर्ण शाळकरी विद्यार्थ्यांना उपमुख्यमंत्री श्रीमती पवार यांच्या हस्ते पुरस्कार प्रदान करण्यात आले. कार्यक्रमाचे प्रस्ताविक जिल्हाधिकारी विवेक जॉन्सन यांनी केले तर विभागीय रेल्वे प्रबंधक राजेशकुमार वर्मा, तसेच खासदार बजरंग सोनवणे यांनी मनोगत व्यक्त केले.

बीड: मराठा आरक्षण नेते मनोज जरांगे पाटील यांनी अखेर आज 20 व्या दिवशी आपले उपोषण सोडले. राज्य सरकारच्या शिष्टमंडळाने केलेल्या प्रयत्नांना यश आले असून बीडमधील पाटोदा येथे झालेल्यसा चर्चेत सरकारला जरांगे यांची मनधरणी करण्यात यश आले. सरकारने शब्द दिल्यानंतर जरांगे यांनी उपोषण सोडलं, मात्र आंदोलन सुरूच राहणार आसल्याचे त्यांनी स्पष्ट केले. मागण्यांच्या आंमलबजावणीसाठी सरकारने जरांगे पाटील 90 दिवसांचे अश्वासन देण्यात आले आहे.

जरांगे पाटील यांच्या उपोषणाचा आज 20 वा दिवस होता. कालच त्यांनी मुंबईतील आझाद मैदानावर जाण्यावर ठाम असल्याची आक्रमक भूमिका जाहीर केली होती. त्यामुळे संपूर्ण राज्याचे लक्ष सरकार आणि त्यांच्यातील या बैठकीकडे लागले होते. आज पहाटे 6:00 वाजेच्या सुमारास पाटोदा (जि.बीड) येथे राज्य सरकारच्या शिष्टमंडळाने त्यांची भेट घेऊन चर्चा केली. आमदारप प्रसाद लाड यांनी याबाबत माहिती दिली असून मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा पवार यांच्या विनंतीनुसार हे उपोषण सोडण्यात आले असून येणार्‍या 90 दिवसांत मनोज जरांगे पाटील यांना दिलेला शब्दपूर्ण करू असे अश्वासन दिले आहे.

जरांगे पाटील यांच्या मागण्यांवर तोडगा काढण्यासाठी ससरकारचे विशेष शिष्टमंडळ आज पाहाटेच दाखल झाले होते. यामध्ये महसूलमंत्री राधाकृष्ण विखे पाटील, मंत्री दादा भुसे, आमदार प्रसाद लाड, स्थानिक आमदार सुरेश धस व जिल्हाधिकारी विवेक जॉन्सन यांचा समावेश होता.

दरम्यान, शिष्टमंडळासोबतची चर्चा अत्यंत महत्वाची असल्याने ही चर्चा बंद दाराआड न करता, सर्वासमोर आणि माध्यमांच्या उपस्थितीतच पार पाडावी अशी ठाम भूमिका जरांगे यांनी घेतली होती. त्यांची हीच अट मान्य करत उपस्थितांसमोर आणि मीडियाच्या कॅमेर्‍यांसमोर सविस्तर चर्चा करण्यात आली.

शिष्टमंडळाशी चर्चेदरम्यान जरांगे पाटील म्हणाले, 3 महिन्यांत सातारा गॅझेट लागू करा, सरकारला 3 महिन्यांचा वेळ देतो. जर सरकारने धोका दिला, तर आम्ही मुंबई गाठणार, असा इशाराही मनोज जरांगे पाटील यांनी दिला. मी आज उपोषण स्थगित करतो, मात्र आंदेालन सुरूच राहणार, असं मनोज जरांगे यांनी स्पष्ट केलं. तसेच मुंबईत गेलेल्या 1 लाख 07 हजार समर्थकांनी माघारी यावं, असं आवाहन देखील मनोज जरांगे पाटील यांनी केलं.

58 लाख नोंदी कमी होणार नाहीत याची खात्री द्या, नोंदी शोधण्यासाठी आम्ही माणसं देतो, शिंदे समिती काम करत नाही आणि सरकारही लक्ष देत नाही. हे आंदेालन यशस्वी झाल्याशिवाय थांबणार नाही. ही लढाई थांबणार नाही. मी उपोषण सोडणार नाही. आम्हाला अश्वासन दिलं, तरी आंदेालन सुरु राहणार, असं मनेाज जरांगे म्हणाले. तसेच सातारा गॅझेट लागू करण्यासाठी तीन महिने देतो, असंही मनोज जरांगेंनी सांगितले. मराठा समाजाला खुन्नस देणं चांगलं नाही. राधाकृष्ण विखे चुकत असले तरी त्यांच्यावर प्रेम करा. एकनाथ शिंदेवरही प्रेम करू पण आता नाही. मंत्र्यांनी टीका केली तर आम्ही गप्प बसणार नाही, असं मनेाज जरांगे म्हणाले. मराठा समाजाला खुन्नस देणं चांगलं नाही. चर्चा न करणारे आज चर्चेसाठी आले की नाही?, आरक्षणापेक्षा समाजाची इज्जत महत्वाची आहे, असंही जरांगे पाटील म्हणाले.

सातारा गॅझेट बाबत 1100 पानांचा अहवाल आहे. याबाबत 3 ते 4 महिन्यात आम्ही कारवाई करू अभ्यासाठी यात वेळ हवा आहे. हैदराबाद गॅझेटबाबत याचिका सध्या न्यायालयात प्रलंबित आहे. यामध्ये हैदराबाद गॅझेटच्या जीआरला स्थगिती मिळणार नाही. याची काळजी घेतली जाईल, असं राधाकृष्ण विखे पाटील म्हणाले. यावर मराठा समाजालाच का डावललं जातय? सातारा, कोल्हापूर, पुणे, औंधचं गॅझेटिअर लागू करा, असं मनोज जरांगे म्हणाले. जीआर काढून गॅझेटिअरची अंमलबजावणी करावी लागेल. 58 लाख नोंदी सापडल्या. त्यातली एकही कमी व्हायला नको. नोंदी कमी करणार नाही, याची लेखी हमी द्यावी असं जरांगे पाटील म्हणाले.

मुख्यमंत्री देवेंद्र फडणवीस, उपमुख्यमंत्री एकनाथ शिंदे माझे वैरी नाहीत. पण समोरुन वार आलं, तर काय करणार? चांगल्याव अधिकार्‍यांना कुणबी रेकॉर्ड शोधण्याचे काम द्या. तुम्हाला वेळ मारून न्यायचा असेल तर आमचं आंदोलन चालूच राहू द्या, मराठवाड्यातील 4 लोकप्रतिनिधीचे रद्दकरण्यात आलेले 4 कुणबी प्रमाणपत्र वैध करून द्या अशी मागणीही त्यांनी यावेळी केली. 5 मुद्दे सांगितले यावर देवेंद्र फडणीसांनी स्पष्ट बोलावं पत्राकर परिषद घेऊन बोला नाहीतर व्हिडिओ काढून बोला.

हैदराबाद गॅझेट संख्येनुसार कुणबी प्रमाणपत्र आणि व्हॅलिडिटी द्यावी लागणार, हैदराबाद गॅझेट जीआर सुधारित करून द्या. तुम्ही मराठ्यांना वेड्यात काढू नका. तुमच्या- आमच्या झालेल्या चुका सोडून द्या. हिंदू वाणी, हिंदू वैश्य आणि वैश्य वाणी या तिन्हीही जाती एकच असल्याचा जीआर अलिकडे राज्य सकराने काढला आहे. तसा जीआर मराइा कुणबी एकच असल्याचा जीआर काढा. या समाजाला एक न्याय आणि आम्हाला एक न्याय का? स्वातंत्रपूर्व काळात मराठा हा कुणबी होता. नजरचुकीने तो आरक्षणात घ्यायचा राहिला, असा उल्लेख वरिल जातीचा जीआर काढता केला, तसा आमच्या जीआरमध्ये टाका, अशी मागणीही त्यांनी केली.

न्या.शिंदे समितीने शोधलेल्या 58 लाख नोंदी कमी होणार नाहीत हे तुम्हाला लेखी द्यावे लागणार.. एकही नोंद कमी होता कामा नये या नोंदी वाटप करणे आणि त्याची व्हॅलिडिटी द्यावी लागणार, याचा मला टाईमबॉण्ड द्या, त्यावर मुख्यमंत्री फडणवीस यांची सही असायला हवी. तसेच मुख्यमंत्र्यांनी मीडियासमोर येऊन याबाबत आश्वासन द्यायला हवे, अशी मागणीही मनोज जरांगे यांनी केली.

सरकारचं अश्वासन : सातारा, कोल्हापूर, पुणे, औंधचं गॅझेट तीन महिन्यांत जीआर काढून लागू करू, हैदराबाद गॅझेटनुसार कुणबी प्रमाणपत्रे देण्यासाठी सुधारित जीआर काढू, हैदराबाद गॅझेटनुसार प्रमाणपत्रांना वैधता देणं चालूच राहील, शिंदे समितीस मिळालेल्या 58 लाख नोंदी घटवणार नाही, मराठवाड्यातील 4 लोकप्रतिनिधींची रद्द केलेली कुणबी प्रमाणपत्रे वैध करण्याचं अश्वासन दिलं

बीड: मराठा आंदोलक जरांगे पाटील उपोषण सुरू असतानाच आहे त्या स्थितीमध्ये मंगळवारी (दि.15) मुंबईकडे रवाना झाले आहेत. नियोजीत मुक्काम ठिकाणांहून ते दि. 19 सप्टेंबर रोजी मुंबईच्या आझाद मैदानात दाखल होणार आहेत. मात्र, प्रकृती खालवल्याने त्यांच्यावर पाटोदा, जि.बीड (मुक्काम ठिकाण)उपचार करण्यात आले. उपचारानंतर सायंकाळी त्यांनी पत्रकारांशी संवाद साधला. माझी प्रकृती ठिक नाही त्यामुळे मला इथून मार्गस्थ होता आलं नाही. पण मी मागे हटणार नाही, उद्या दुपारी 1:00 वाजेपर्यंत मी मुंबईकडे निघणार असल्याचं जरांगे पाटील यावेळी म्हणाले.

मराठा आंदोलक जरांगे पाटील यांची प्रकृती खालवल्याने पाटोदा येथे बुधवारी दि.16 त्यांच्यावर उपचार करण्यात आले. उपोषण सुरू असताना जरांगे पाटील यांनी मंगळवारी (दि.15) अंतरवाली सराटी येथून मुंबईकडे मार्गक्रम केला. नियोजीत पहिल्या मुक्कामाच्या ठिकाणी पाटोदा , जि. बीड येथे मध्यरात्री 1:45 वाजता पोहोचताच त्यांनी उपस्थितांना संबोधित केले. त्यानंतर अचानक त्यांची प्रकृती खालवली. समाजबांधवांच्या अग्रहाला न जूमानता त्यांनी सुरुवातील उपचारास नकार दिला. डॉक्टरांच्या टीमने त्यांनी आरोग्य तपासणी केली असता त्यांना आयसीयूमध्ये उपचाराची गरज असल्याचे सांगितले.

मात्र, जरांगे पाटील उपचार घेत नसल्याने सकाळी नारायणगडाचे महंत शिवाजी बाबा महाज यांच्या आग्रहास्तव जरांगे पाटील यांनी उपचार घेतले. उपचारानंतर जरांगे पाटील यांनी पत्रकार परिषद घेवून मी मुंबईला जाणारच!, मागे हटणार नाही. समाजबांधवांना मुंबईला येण्याची तारीख सांगणार होतो, मात्र सरकारने ड्राप्ट दिला आहे. त्यामुळे मी आता सांगू इच्छित नाही. मात्र मी उपचारानंतर उद्या दि.17 सप्टेंबर रोजी दुपारी1: 00 वाजेच्या सुमारास मुंबईला निघणार असल्याचा इशारा दिला.

इकडे जरांगे पाटील यांची प्रकृती खालवलेली सताना ते मुंबईत आंदोलनावर

ठाम आहेत, तर तिकडे सरकारस्तरावर जोरदार हालचालिंना वेगे आला आहे. जरांगे पाटील यांनी खुल्या सार्वजनिक चर्चेची दारे खुली ठेवल्याने उद्यापर्यंत सरकारचे शिष्टमंडळ जरांगे पाटील यांच्या भेटीला येण्याची शक्यता वर्तवली जात आहे.

नागपूर: अदिवासी विकास विभागाने लक्ष्मण मानकर ट्रस्टसोबत केलेला 490 आदिवासी वसतीगृहांच्या व्यवस्थापनाचा करार रद्द करावा अशी मागणी कॉक्रोच जनता पार्टीचे संस्थापक अभिजीत दिपके यांनी केली. कराराची प्रत फाडून त्यांनी राज्य सरकारचा निषेध केला.

डॉ. बाबासाहेब आंबेडकर आंतरराष्ट्रीय कन्व्हेन्शन सेंटर, नागपूर येथे विदर्भातील विविध जिल्ह्यातून आलेल्या आदिवासी विद्यार्थ्यांशी दिपके यांनी बुधवारी (दि.16) संवाद साधला. आदिवासी विद्यार्थ्यांच्या प्रश्नांसाठी लढताना मोजक्यवा आणि ठोस मागण्या निश्चित करून त्यासाठी सातत्याने संघर्ष करण्याचा सल्ला त्यांनी दिला.“ एमपीएससी विद्यार्थ्यांनी 12 मागण्यांसाठी आंदोलन केले. मुख्यमंत्री देवेंद्र फडणवीस यांनी त्यापैकी 11 मागण्या मान्य केल्यानंतर आंदोलन संपले. मात्र विद्यार्थ्यांची प्रमुख मागणी पूर्ण झाली नाही” असा दावा करत दिपके यांनी आंदोनलाच्या रणनितीचे महत्व विद्यार्थ्यांना सांगितले.

आदिवासी विद्यार्थ्यांच्या प्रश्नांना व्यापक जनसमर्थन मिळवण्यासाठी विद्यार्थ्यांनी त्यांच्यासोबत घडणार्‍या घटनांची माहिती समाजातील इतर घटकांपर्यंत पोहचवावी, असे अवाहन दिपके यांनी केले. यासाठी घटनांचे व्हिडिओ तयारक रून ते मोठ्या प्रमाणावर प्रसारित करण्याची गरज असल्याचे दिपके म्हणाले सीजेपी च्या माध्यमातून मोठ्या संख्येने लोकांपर्यंत पोहोचता येते. आदिवासी विद्यार्थी- विद्यार्थीनींच्या प्रश्नांची जाणीव समाजातील इरत घटकांना झाली, तर सरकारवरही प्रश्न सोडविण्यासाठी दबाव निर्माण होईल, असंही दिपके यावेळी म्हणाले.

नीट परीक्षेतील कथित पेपरफुटीविरोधात जंतर- मंतर येथे झालेल्या आंदोलनाचाही त्यांनी यावेळी उल्लेख केला. पेपरफुटीच्या पार्श्वभूमिवर आत्महत्या केलेल्या विद्यार्थ्यांच्या पालकांचा आक्रोश देशभरातील पालकांना आपला वाटला. त्यामुळे आंदोलनाला व्यापक जनसमर्थन मिळाले आणि केंद्रातील शिक्षणमंत्र्यांना राजीनामा द्यावा लागला. असा दावा त्यांनी केला. आदिवासींच्या प्रश्नांसाठी लढताना केवळ आदिवासी समाजानेच आवाज उठविण्याऐवजी हे प्रश्न व्यापक समाजापर्यंत पोहोचणे आवश्यक आहे. त्यातूनच सरकारला प्रश्नांची दखल घेण्यास भाग पाडता येईल असंही अभिजीत दिपके यांनी स्पष्ट केले.

आदिवासी समाजाचा देशाच्या विकासात बरोबरीचा वाटा असला पाहिजे. त्यासाठी विद्यार्थ्यांनी उच्चशिक्षण घेऊन देशाचे नेतृत्व करण्याच्या दृष्टीने प्रयत्न करावेत असे आवाहन त्यांनी केले. जंगलावर आधारित पारंपरिक उपजीविकेच्या संधी आता मर्यादित होत आहेत. त्यामुळे केवळ गावखेड्यांपुरते मर्यादित न राहता आदिवासी विद्यार्थ्यांनी शहरांकडे येऊन उच्चशिक्षण घ्यावे आणि विविध क्षेत्रांत नेतृत्वाची भूमिका स्वीकारावी असे अहवान त्यांनी यावेळी केले.

एमपीएससी अध्यक्ष विवेक भिमनवार यांच्या राजीनाम्याची मागणी अभिजीत दिपके यांनी केली. भिमनवार हे मुख्यमंत्री देवेंद्र फडणवीस यांचे मित्र आहेत, म्हणून त्यांचा राजीनामा घेतला जात नाही का? असा प्रश्न8 अभिजित दिकपे यांनी आंदोलनकर्त्या विद्यार्थ्यांसमोर विचारला. इतकंच नाही काय तर भिमनवार यांचा राजीनामा झालाच पाहिजे, या मागणीवर जोरही त्यांनी दिला. तसेच भिमनवार यांच्या कथित घोटाळ्यांचा दोन मिनिटांचा व्हिडिओ बनवून तो सोशल मीडियावर प्रचंड प्रमाणात व्हायरल करण्याचे आवाहनही त्यांनी यावेळी.

बीड: मुंबईतील आझाद मैदानामध्ये आंदोलनास पोलिसांनी परवानगी नाकारल्यानंतर ही आंदोलनावर ठाम जरांगे पाटील बुधवारी (दि.15) अंतरवाली सराटी येथून मुंबईच्या दिशेने निघाले. अंतरवाली सराटी पासून पाटोदा (जि. बीड) पर्यंत लाखो समाजबांधवांनी जरांगे पाटलांची अभूतपूर्व स्वागत केले. त्यामुळे जरांगे पाटील यांना मुक्काम ठिकाणी पाटोदा पोहोचण्यास मध्यरात्रीचे 2:00 वाजले. उपस्थितीतांना मार्गदर्शन करताना जरांगे पाटील यांना आरोग्याचा त्रास जानवत होता. मात्र त्यांनी आरोग्य समस्याची तमा न बाळगता उपस्थितांना मार्गदर्शन केले. पहाटे अचानक प्रकृती खालवल्याने नगद नारायण गडाचे महंत शिवाजी बाबा महाराज यांच्या आग्रहास्तव जरांगे पाटील यांनी उचार घेतले.

मराठा आरक्षणाच्या विविध मागण्यांसाठी सरकारला अल्टीमेट देत जरांगे पाटील यांनी मंगळवारी (दि.15) अंतरवाली सराटी येथून मुंबईकडे कूच केली. बीड जिल्ह्यातील पाटोदा, श्रीगोंदा, हडपसर, खोपोली येथे मुक्कामानंतर जरांगे पाटील दि. 19 सप्टेंबर रोजी मुंबईच्या आझाद मैदानामध्ये आंदोलन सुरू करणार आहेत. मागण्यांवर ठाम जरांगे पाटील यांनी सरकारकडे एकून 15 मागण्या मांडल्या आहेत.

दरम्यान, एकून 15 पैकी 12 मागण्या मान्य केल्याचे सरकारकडून सांगण्यात येत आहे. सरकारच्या शिष्टमंडळाशी चर्चा निष्फळ झाल्यानंतर जरांगे पाटील यांनी सरकारला 12 सप्टेंबर पर्यंत अल्टीमेट दिला होता. मात्र, सरकार मागण्यांकडे चालढकल करत असल्याचा आरोप करत जरांगे पाटील यांनी ‘ नाक दाबल्या शिवाय तोंड उघडणार नाही’ अशा भावना व्यक्त केल्या. मंगळवारी (दि.15) मुंबईतील आझाद मैदानात आंदोलनाचा इशारा दिला होता. त्यानुसार जरांगे पाटील यांनी मुंबई आझाद मैदान पोलिसांकडे परवानगीचा अर्ज केला. मात्र सणाच्या कालावधीसह मागील आंदोलनाचा दाखला देत कायदा सुव्यवस्थेचे कारण देत पोलिसांनी जरांगे पाटील यांना परवानगी नाकारली.

दरम्यान, जरांगे पाटील यांनी दुसर्‍यांदा परवानगीचा अर्ज दिला असता तोही आझाद मैदान पोलिसांनी फेटाळत काही कारणंमिमास नमूद केली. पोलिसांच्या भूमिकेवर संतप्त होत मराठा समाजास अवाहन करत जरांगे पाटील यांनी मंगळवारी (दि.15) एकटेच मुंबईच्या दिशेने निघाले. जरांगे पाटीलयांनी समाजास मी एकटाच मुंबईला जात आहे, माझ्यासोबत कोणीही येणार नाही. पोलिसांनी गर्दी आणि कायदा सुव्यवस्थेचे कारण दिले आहे.

मा. उच्च न्यायालयाने आंदोलन करण्यापासून कोणी रोखू शकत नाही, पण परवानगी व इतर कायदेशीर प्रक्रिया पूर्ण करण्याचे निर्देश दिले आहेत. त्यामुळे न्यायदेवता आम्हाला न्याय देणार आहे. त्यामुळे माझ्यासोबत कोणीही येऊ नये, मी वेळ पडल्यास तुम्हाला सर्वांना मुंबईला बोलावील. उपोषण सुरू ठेवूनच मी मुंबईकडे कूच करणार असल्याचे सांगत जरांगे पाटील यांनी मुंबईकडे कूच करण्याचा मार्ग जाहीर केला.

नियोजित आंदोलनासाठी जरांगे पाटील यांनी मंगळवारी (दि. 15) सकाळी 11:00 वाजता अंतरवाली सराटी येथून मुंबईकडे कूच केली. अंतरवाली, वडीगोद्री, शहागड (ता.अंबड) ,गेवराई (जि.बीड), पाडळशींगी, बीड, मांजरसुंबा मार्गे मध्यरात्री 2:00 वाजताच्या सुमरास जरांगे पाटील पाटोदा (नियोजीत मुक्काम ठिकाण) येथे पाहोचले.

उपोषण सुरू ठेवून मुंबईच्या दिशेने मार्गस्थ झालेल्या जरांगे पाटील यांचे महाकाळा, अंकुशनगर येथे त्यांच्या कुटुंबीयांनी औष्कण करत सरकारला इशारा दिला. गेवराई, बीड, मांजरसुंबा येथे लाखो समाजबांधवांनी जरांगे पाटील यांचे अभूतपूर्व स्वागत केले. जरांगे पाटील यांना साधारण 135 किलोमिटर अंतर वाहनाने पास करण्यासाठी 15 ते 7 तास कालावधी लागला.

पाटोदा मुक्कामी आल्यानंतर प्रकृती खालवली असताना जरांगे पाटील यांनी उपस्थितांना संबोधित केले. पक्ष, राजकारण बाजूला सारून एक व्हा, कोणी कोणाचं नाही स्वत:च्या लेकराबाळांसाठी एकत्र या. मी माझ्या पत्नीला सांगून आलो आहे. शक्यतो मला काही होणार नाही. काही झालंच तर भिक मागून खा, शिल्लक राहिलेली दोन एक्कर जमिन विकून मुलींचे लग्न कर, मात्र स्वाभिमान ढळू देऊ नको. असं म्हणत जरांगे पाटीलयांनी माझ्यासोबत कोणीही मुंबईच्या दिशेने येणार नाही अशा सक्त सूचनाही त्यांनी यावेळी दिल्या.

पहाटे अचानाक जरांगे पाटील यांची प्रकृती खालवल्याने त्यांना त्रास होवू लागला. मात्र, मागण्यांवर ठाम जरांगे पाटील यांनी उपचारास नकार दिल्याने डॉक्टरांच्या टीमचाही नाविलाज झाला. शेवटी समाजाच्या आग्रहाखातर नारायणगडाचे मठधिपती महंत शिवाजी बाबा महाराज यांनी पाटोदा येथे जरांगे पाटलांची भेट घेवून उपचाराचा आग्रह केला. पुढील मार्गक्रम स्थगित करून जरांगे पाटील यांनी पाटोद्यातच उपचार घेतले. दरम्यान, नियोजित मुक्काम रद्द करून ठरलेल्या मार्गानेच जरांगे पाटील मुंबईकडे निघणार असल्याची माहिती सांगण्यात येत आहे.

मुंबई: केंद्रीय गृहमंत्री अमित शाह दोन दिवसापासून मुुंबई दौर्‍यावर होते. त्यांनी एनडीए सत्ता असलेल्या 21 राज्यांमध्ये 2029 पूर्वी समान नागरी कायदा लागू करण्याची घोषणा केली आहे. त्यामुळे राज्यात समान नागरी कायदा लागू होण्याचा मार्ग मोकळा झाला असताना मुख्यमंत्री देवेंद्र फडणवीस यांनी सोमवारी (दि.14) पत्रकार परिषदेत मोठे विधान केले. समान नागरी कायदा तयार करण्यासाठी महाराष्ट्र सरकारने आधीच सात सदस्यीय समिती स्थापन केली आहे. या समितीचा अहवाल प्राप्त झाल्यानंतर सरकार पुढील प्रक्रिया सुरू करणार असल्याचं मुख्यमंत्री फडणवीस म्हणाले.

नागपूरात होणार्‍या विधानसभेच्या हिवाळी अधिवेशनात समान नागरी कायदा मांडण्याच्या तयारीत राज्य सरकार आहे. त्याची तयारी केली जात आहे. सर्वोच्च न्यायालयाच्या निवृत्त न्यायमूर्ती रंजना देसाई यांच्या अध्यक्षतेखाली समान नागरी कायदा तयार करण्यासाठी महाराष्ट्र सरकारने आधीच सात सदस्यीय समिती स्थापन केली आहे. ही समिती सध्या कायद्याच्या आराखड्यावर काम करत आहे. समितीचा अहवाल प्राप्त झाल्यानंतर सरकार पुढील प्रक्रिया सुरू करणार असल्याचे मुख्यमंत्री फडणवीस यांनी स्पष्ट केले.

महाराष्ट्र सरकारने समान नागरी कायदा तयार करण्यासाठी आधीच समिती स्थापन केली आहे.समितीचे काम सुरू आहे.समितीचा अहवाल आल्यानंतर आम्ही लवकरच त्याची अंमलबजावणी करू, सरकारने जुलै महिन्यात यूसीसी साठी सात सदस्यीय समितीची स्थापना केली होती. या समितीला आपल्या शिफारशी सादर करण्यासाठी सहा महिन्यांची मुदत देण्यात आली आहे.समितीचे काम पूर्ण झाल्यानंतर सरकारकडून यूसीसी लागू करण्याच्या दिशेने प्रक्रिया सुरू केली जाणार असल्याचं फडणवी म्हणाले.

दरम्यान, केंद्रीय गृहमंत्री अमित शाह यांनी भाजपच्या नेतृत्वाखाली एनढीएची सत्ता असलेल्यसा 21 राज्यांमध्ये 2029 पूर्वी समान नागरी कायदा लागू केला जाईल, असे म्हटले होते. त्यानंतर दुसर्‍या दिवशीच मुख्यमंत्री फडणवीस यांनी याबाबत माहिती दिली. त्यामुळे महाराष्ट्रातही यूसीसी लागू करण्याच्या हालचालींना वेग आल्याचे पाहायला मिळत आहे. आता समितीचा अहवाल कधी सादर होतो आणि हिवाळी अधिवेशशनात यूसीसी विधेयक मांडले जाते का, याकडे सर्वांचे लक्ष लागले आहे.

अंतरवली: मुंबईतील आझाद मैदानात आंदोलनासाठी पोलिसांनी परवानगी नाकारल्यानंतर मनेाज जरांगे पाटील यांनी आपल्या आंदोलनाच्या रणनितीत बदल करत मोठा डाव टाकला आहे. मनोज जरांगे पाटील यांनी आता संपूर्ण मराठाव आंदोलकांची फौज सोबत घेऊन न जाता एकट्यानेच मुंबईला जाण्याची घोषणा केली आहे. गणेशोत्सवाच्यसा काळात लाखो मराठा आंदोलक मुंबईत आल्स कायदा- सुव्यवस्थेचा प्रश्न निर्माण होऊ शकतो, असे कारण पोलिसांनी दिले होते. त्यामुळे मनोज जरांगे पाटील यांनी मी एकटाच मुंबईला येतो अशी घोषणा केली आहे.

आझाद मैदान पोलिसांनी आंदोलनासाठी आज दुसर्‍यांदा परवानगी नाकारली आहे. कायदा सुव्यवस्थेच्या प्रश्नावर पोलिसांनी जरांगे पाटील यांना आझाद मैदानामध्ये आंदोलनास परवानगी नाकारल्याने जरांगे पाटील यांनी आंदोलनाचं स्वरुप आणि दिशा बदलत सरकारला मोठा इशारा दिला आहे. माध्यमांशी संवाद साधताना जरांगे पाटील यांनी मुंबई आंदोलनाबाबत मोठी घोषणा केली. जरांगे पाटील आता त्यांच्या चार ते पाच सहकार्‍यांसह मुंबईला रवाना होतील. “आता पोलिस आणि देवेंद्र फडणवीस मला मुंबईत येण्यापासून रोखू शकत नाहीत. आता मला कोणी अडवले तर लाखो मराठे विनापरवानगी मुंबईत घुसतील” असा इशारा मनोज जरांगे पाटील यांनी दिला ते सोमवारी (दि.14) अंतरवली सराटी येथे आंदोलनस्थळावरून मांध्यमांच्या प्रतिनिधींशी बोलत होते.

जरांगे पाटील म्हणाले की, पोलिसांनी परवानगी नाकारल्यामुळे आता आपल्याला रणनितीमध्ये बदल करावे लागतील. फडणवीसांच्या तोडीस तोड डाव टाकायचा आपण. मुंबई पोलिसांनी आंदोलनाला परवानगी नाकारली ना, मग 15 तारखेला मी एकटा मुंबईला निघतो. आता मला एकट्याला देवेंद्र फडणवीस परवानगी देणार की नाही? मराठे मुंबईत गेल्यावर अडचणी निर्माण होणार,मग मी एकटा गेल्यावर परवानगी देणार नाही का? असा सवाल जरांगे पाटील यांनी उपस्थित केला. मी आधी एकटा खिंड लढतो, मराठ्यांच्या वाटतील काटे दूर करू द्यात. म्हणजे तुम्हाला अडचण होणार नाही.

रस्त्यातील काटे संपतील मग तुम्हाला सांगतो कधी यायचं मुंबईला, त्यामुळे आता मुंबईच्या मराठा आंदोलनासाठी तयार केलेल्या गाड्या आणि वर्गणी तशीच ठेवा. त्यामधील एक रुपयाही खर्च करू नका. मी आता सलाईन काढली आहे, त्यामुळे पोटात आग व्हायला सुरुवात झाली आहे. पुढील पाच- सहा दिवसांचा माझा प्रवास जीवघेणा आहे. मी मुक्काम करताना कोणाच्याही घरी राहणार नाही, चौकात राहीन. ही शेवटची झुंज होणार आहे. एकाच दिवशी सगळी ताकद वाया नाही घालवायची. आपली राखीव फौज ठेवायची आहे, जसे शिवाजी महाराजांनी केले. माझ्यावर नाराज होऊ नका, मी खिंड लढतो, मला तुमच्या रस्त्यावरचे काटे काढू द्या, असे आवाहन मनोज जरांगे पाटील यांनी मराठा बांधवांना केले.

दरम्यान, मुंबई पोलिसांनी कालच मनोज जरांगे पाटील यांच्या आझाद मैदानातील आंदोलनाला अनेक कारणे देऊन परवानगी नाकारली होती. मात्र, आता मनोज जरांगे यांनी मी एकटा येतो सांगून नवा डाव टाकला आहे. यावर आता मुंबई पोलिस काय भूमिका घेतात, हे पाहाणे महत्वाचे ठरणार आहे. मनोज जरांगे पाटील उद्या दि.15 तारखेला सकाळी अंतरवली सराटीतून मुंबईकडे मार्गस्थ होणार आहेत. त्यानंतर पाटोदा, श्रीगोंदा, हडपसर, खोपोलीमार्गे 19 सप्टेंबरला मुंबईत पोहोचणार आहेत. मात्र पोलिस मुंबईच्या वेशीवर अडवून त्यांना आंदोलना पासून परावृत्त करणार का? याकडे संगळ्यांच्या नजरा लागल्या आहेत.

मुंबई : मराठा नेते मनोज जरांगे पाटील यांना मुंबई पोलिसांनी पुन एकदा परवानगी नाकारली आहे. मनोज जरांगे यांचं जालन्यातील अंतरवली सराटी येथे गेल्या 16 दिवसांपासून उपोषण सुरू आहे. आपल्या मागण्या मान्य न झालयाने आता जरांगे मुंबईच्या दिशेला कूच करण्याच्या तयारीत आहेत. मनोज जरांगे उद्या सकाळी अंतरवलीहून मुंबईच्या दिशेने मार्गक्रम करणार आहेत. मुंबईच्या आझाद मैदान उपोशण करण्याचा त्यांचा मानस आहे. पण मुंबईच्या आझाद मैदान पोलीस ठाण्याच्या वरिष्ठ पोलिस अधिकार्‍यांनी मनोज जरांगे यांच्या उपोषणालाव पुन्हा एकदा परवानगी नाकारली आहे. मुंबईतील सध्याचा गणेशोत्सव आणि मनोज जरांगे यांचे याआधीची जाहीर वक्तव्य यांचा दाखला देत पोलिस मनोज जरांगे यांना उपोषण करण्यास परवानगी नाकारली आहे.

“ आपण आमरण उपोषणादरम्यान प्रसारामध्यमांशी संवाद साधताना आंदोलकांना लाखो करोडोंच्या संख्येने मुंबईत येण्याचे आवाहन केलेले आहे. 45 लाख वाहने मुंबईत आणणार , गनिमी काव्याने मुुंबईत या, तसेच परवानगी नकारली तरी मुंबईत जणारच, अशा आशयाची जाहीर वक्तव्य केल्याचे निदर्शनास आले आहे.’

‘त्यामुळे संदर्भ क्र.5 मध्ये नमूद केलेल्या आंदोलकांची संख्या आणि आपण यापूर्वी सादर केलेल्या आर्जातील माहिती तसेच आपण केलेली सार्वजनिक आवाहने आणि वक्तव्य याचा एकत्रीत विचार करता, प्रस्तावित आंदोलनास उपस्थित राहणार्‍या आर्जामध्ये नमुद केलेल्या संंख्येपेक्षा लक्षणीयरित्या अधिक असण्याची शक्यताव दिसून येते.’

“ आपण सादर केलेल्या पहिल्या आर्जामध्ये नमुद केल्याप्रमाणे आपली आमरण उपोषण करण्याची मानसिकता दिसून येत आहे. आपल्या संदर्भ क्रमांक 05 मधील अर्जाचा विचार करता, आपल्या पुनश्च अर्जामधील प्रपत्र ‘ ब’ मध्ये 18/09/2026 पासून आमरण उपोषण, धरणे व आंदोलन असे नमूद केले आहे.”

“ त्यामुळे पूर्वी परवानगी नाकारताना विचारात घेतलेल्या वस्तुस्थिती मध्ये बदल झालेला नाही. त्यामुळे माझी खात्री झाली आहे की, आपल्या आंदोलनाची दिशा स्वरूप या पूर्वी सादर केलेल्या आर्जाप्रमाणे राहणार आहे. आपल्या आंदोलनामुळे संदर्भ क्र. 4 मध्ये विस्तुतपणे विवेचन केल्याप्रमाणे मुंबईतील सार्वजनिक आरोग्य, सार्वजनिक सुव्यवस्था, सार्वजनिक सुरक्षितता बाधित होणार आहे.”

“ त्याअर्थी सर्वोच्च न्यायालयाचे “ अमित सहाणी केस” मध्ये दिलेले निर्देश व मा. उच्च न्यायालय मुंबई यांनी दिलेले निर्देश, तसेच “ जाहिर सभा,आंदोलने व मिरवणुका नियम 2025 मधील नियमावली यांचे नियम क्रमांक 4(3)(च), 5,6,7,10,11 (ड), 11 (ज), 11(झ),11(8) यांचा भंग आपल्याकडून जाणीवपूर्वक करण्यात येईल. याबाबत माझी खात्री पटलेली आहे. तसेच दक्षिण मुंबई परिसरातील सामान्य व्यवहार, जसे शाळा, रुग्णालय, व्यवसाय, न्यायपालिका, सार्वजनिक वाहतुक व सार्वजनिक आरोग्य बाधित होवून सार्वजनीक सुव्यवस्थेचा गंभीर प्रश्न निर्माण होणार असल्याने, मी याद्वारे आपण आझाद मैदान येथे संदर्भ क्र.5 अन्वये दिनांक 18/09/2026 रोजी पासून आमरण व धरणे आंदोलन यासाठी मागितलेली परवानगी नाकारण्यात येत आहे.”

“ तथापी संदर्भ क्र. 4 व उपरोक्त नमुद केल्याप्रमाणे परवानगी नाकारण्याबाबत विस्तृत विवेचन केले आहे ज्यामध्ये प्रामुख्याने आझाद मैदान येथे आंदोलन करताना होणार्‍या नियम भंगाबाबत नमुद केले आहे. तसेच 14/09/2026 ते 26/09/2026 या काळात मुंबई मध्ये मोठ्या प्रमाणात गणेश उत्सव साजरा करण्यात येतो. गणेश उत्सवादरम्यान भाविकांची होणारी अलोट गर्दीमुळे मुंबई ही कायम राष्ट्रविघातक शक्तींच्या निशाण्यावर राहीलेली आहे.”

“ सदरील काळात सार्वजनिक सुरक्षिततेच्या दृष्टीकोणातून विविध उपाययोजना करण्यात आलेल्या आहेत. याद्वारे आपल्याला सुचित करण्यात येते की, आपण गणेश उत्सवानंतर आझाद मैदान सोडून इतर ठिकाणाबाबत पुनश्च: अर्जाद्वारे मागणी केल्यास सांगोपांग विचार करून त्यावेळच्या परिस्थितीनुसार संबंधीत सक्षम प्राधिकार्‍याद्वारे निर्णय घेण्यात यईल.” असं आझाद मैदान पोलिस ठाण्याच्या वरिष्ठ अधिकार्‍यांनी नमुद केले.

मुंबई : देशभरात झालेल्या जेन झींच्या आंदोलनाबद्दल भाष्य करताना केंद्रीय गृहमंत्री अमित शाह यांनी आमची आणीबाणी लागू करून सरकार चालवण्याची संस्कृती नाही. असे उत्तर दिले. अमित शाह यांची मुंबईत पत्रकार परिषद झाली. यावेळी त्यांनी विद्यार्थी आंदोलनाबद्दल प्रश्न विचारण्यात आला होता.

17 सप्टेंबर रोजी पंतप्रधान नरेंद्र मोदी यांचा वाढदिवस आहे. आधी गुजरातचे मुख्यमंत्री म्हणून आणि आता देशाचे पंतप्रधान म्हणून नरेंद्र मोदी यांच्या सेवेला 25 वर्षे पूर्ण होत असल्याच्या निमित्ताने भाजपा प्रणित एनडीए आघाडीकडून सेवा संकल्प अभियान देशभरात आयोजित केले जाणार आहे. या अभियानाबद्दल केंद्रीय गृहमंत्री अमित शाह यांनी माहिती दिली.

अमित शाह म्हणाले की, मोदीची आधी गुजरातमध्ये असताना त्यांचा जन्मदिवस सेवा सप्ताह म्हणून साजरा करायचे. या देशात खूप कमी नेते आहेत, ज्यांनी मुख्यमंत्री आणि पंतप्रधान म्हणून सलग 25 वर्षे सेवा करण्याचा विक्रम केला आहे. यानिमित्ताने 17 सप्टेंबर ते 17 ऑक्टोबर या काळात देशभरात सेवा संकल्प अभियान आयोजित केले जणार असल्याची माहिती शाह यांनी दिली.

विद्यार्थी आंदोलनाच्या प्रश्नावर अमित शाह म्हणाले, जेव्हा कुठले आंदोलन होते, तेव्हा त्याचे वेगवेगळे परिणाम बघायला मिळतात. काही महिन्यांपूर्वी जेन झींचे देशभरात एक आंदोलन झाले. त्याचे भारतात समाजिक आणि राजकीय काय परिणाम बघायला मिळत आहेत. तुम्हाला काय वाटते? असा प्रश्न अमित शाह यांना विचारण्यात आला होता.

यावर उत्तर देताना अमित शाह म्हणाले, “ बघा आपण लोकशाहीमध्ये आहोत. काही विषयांवर लोकांचे एक मत असते. आणि ते मांडणे हेही गरजेचे आहे. भाजपाचे सरपकार आम्ही आणीबाणी लागू करून सरकार चालू

शकत नाही. ती काँग्रेसची संस्कृती आहे. आमची वेगळी संस्कृती आहे. आम्ही संवाद करतो,चर्चा करतो असंही अमित शाह म्हणाले.

बांगलादेशी घुसखोरांच्या मुद्यावर विचारलेल्या प्रश्नावर अमित शाह म्हणाले की, “ आम्ही प्रत्येक घुसखोराला शोधून शोधून देशाच्या बाहेर काढू” असेही ते म्हणाले. अमित शाह यांनी नरेंद्र मोदी यांच्या पंतप्रधान पदाच्या कार्यकाळात घेण्यात आलेल्या महत्वाच्या आणि निर्णायक निर्णयांची माहिती दिली.

अंतरवाली : मराठा आरक्षणाच्या मुद्यावरुन महाराष्ट्रातील राजकीय आणि सामजिक वातावरण चांगलंच तापलं आहे. अंतरावाली सराटी येथे मनोज जरांगे पाटील यांचे गेल्या 15 दिवसांपासून सुरू असलेल्या बेमुदत उपोषणावर अद्याप कोणताही तोडगा निघालेला नाही. दरम्यान, मनोज जरांगेच्या 19 स्पटेंबरच्या आंदोलनालाही मुंबई पोलिसांनी परवानगी नाकारली आहे. यावरून मनोज जरांगे पाटलांनी संताप व्यक्त करत मुंबई आंदोलनावर ठाम भूमिका घेतली आहे.

मागील आंदोलनामध्ये नियमांचा भंग झाल्याचे कारण देत मुंबई पोलिसांनी जाहीर सभा, आंदोलने व मिरवणुका नियम 2025 चा नियम भंग करणार असल्याची खात्री असल्याचे सांगत मुंबई पोलिसांनी मनोज जरांगे पाटलांना आंदोलनासाठी परवानगी नाकारली. मनोज जरांगे पाटील यांनी दोनच दिवसांपूर्वी मनोज जरांगेंना मुंबईत येण्यापासून रोखू शकत नाही असा निर्णय उच्च न्यायालयानं दिला होता. त्यामुळे सरकार न्यायदेवतेचा अपमान करत आहे, असं मनोज जरांगे पाटील म्हणाले.

“ आंदोलन करण्याआधिच आम्ही नियमभंग करणार आहोत, असं त्यांना का वाटत आहे? कोणत्या कायद्याने राज्य चालवत आहात? कशाला असते राज्यकर्ता . ही काय अस्थिरता आहे. स्थिर सरकार ठेवायचं आहे की नाही?” असे विविध संतप्त प्रश्न आज मनोज जरांगे पाटलांनी उपस्थित केले.

जरांगे पाटील पुढे म्हणाले, “ म्हणे मिरवणुका काढता येणार नाहीत. गणेश उत्सवाच्य मिरवणुका निघणार नाहीत का? कोणतं हिंदुत्व? मी 19 ला मुंबईला जाणाराच. पोलिसांच्या परवानगीबाबत वकील बांधव ठरवतील.”

19 सप्टेंबरला आम्ही लोकशाही मार्गाने आंदोलन करायचं ठरवलं आहे, ते होणाराच. न्यायदेवतेचे नियम आम्ही पाळणारच. न्यायदेवता म्हणतेय की कोणालाही आम्हाला रोखता येणार नाही, पण हे आम्हाला रोखत आहेत. म्हणजे मी सांगितलेलं षडयंत्र ते हेच ना. राज्य अस्थिर कोण करत आहेत?” असं मनोज जरांगे म्हणाले.

15 सप्टेंबरला आम्ही इथून निघणार आणि मुंबईत जाऊन शांततेत उपोषण आणि आंदोलन करणार. त्यांना परवानगी द्यायची की नाही ते त्यांनी ठरवायचं. 19 ला आझाद मैदान लोकशाही मार्गाने शांततेत बेमुदत उपोषण होणार. आजपासून सलाईन- पाणी सर्व सोडलं. आता डॉक्टरांना सांगितलं होतं की सलाईन लावायला ,पण आता सलाईन, पाणी, उपचार सर्व बंद करत असल्याचंही जरांगे पाटील माध्यमांशी बोलताना म्हणाले.

बीड: बसस्थानकात गर्दीचा फायदा घेवून बसमध्ये चढताना हातसफाईने महिलांचे दागिणे, रोखरक्कम चोरीचे प्रकार जिल्ह्यात वाढत आहेत. पाटोदा बसस्थानक परिसरात बॅगेतून लाखोंचे सोने व रोख रक्कम चोरीला गेले होते. पीडित महिलेच्या फिर्यादीवरून पाटोदा पोलिसांत अज्ञात आरोपीच्या विरोधात गुन्हादाखल करण्यात आल. स्थानिक गुन्हे शाखा व पाटोदा पोलिसांनी घटनेच्या तपासामध्ये तांत्रिक पुरव्याअधारे चुंभळी फाटा येथून एका महिलेस ताब्यात घेतले. तिच्याकडून चोरीस गेलेले 8 तोळे 4 ग्रॅम सोन्याचे दागिने 10 हजार रुपये रोख असा एकूण 13 लाख 97 हजार 160 रुपयांचा मुद्देमाला जप्त करण्यात आला.

शासनाच्या महिलांना प्रवासी सवलतीमुळे एसटी प्रशामध्ये सहाजिकच महिलांची प्रवाशांची संख्या अधिक आहे. बसस्थान, एसटीबसमध्ये अथवा बसमध्ये चढताना गर्दीचा फायदा घेवून सोन्याच्या दागिण्यांसह रोख रकम चोरीच्या घटना दिवसेंदिवस वाढत आहेत. तपास यंत्रणांना केवळ बसस्थानकावरील सीसीटीव्ही कॅमेर्‍यांचा एकमेव तांत्रिक आधार असला तरी एसटीप्रवासात, गर्दीचाव फायदा घेवून बसमध्ये चढताना अशा घटना घडत आहेत.

बीडच्या पाटोदा बसस्थानक परिसरात पीडित महिलेच्या बॅगमधून 8 तोळे 4 ग्रॅम सोन्याचे दागिने, 10 हजार रुपये रोख रक्कमेच्या चोरी प्रकरणी पाटोदा पोलिस ठाण्यात 0261 / 2026 नुसार भारतीय न्याय संहिता कलम 303 (2), 3(5) अन्वये गुन्हा दाखल करण्यात आला. स्थानिक गुन्हा शाखेचे पोलिस या गुन्ह्याचा समांतर तपास करत होते.

घटनेच्या तपासादरम्यान पोलिसांना गोपनिय बातमीदारामार्फत चोरीच्या गुन्ह्यातील महिला आरोपी सोजर सुरेश भोसले (वय 45, राहणार पारनेर, ता. पाटोदा) ही चोरीचे सोने विक्री करण्याच्या उद्देशाने चुंबळी फाटा येथे थांबली असल्याची माहिती मिळाली.

मिळालेल्या माहितीची खात्री करून स्थानिक गुन्हे शाखेच्यवा पथकाने पंचासमक्ष चुंबळी फाटा येथे कारवाई केली. यावेळी महिला आरोपीला ताब्यात घेण्यात आले. चौकशीदरम्यान तिच्याकडून 4 तोळे 4 ग्रॅम सोन्याची दागिने आणि 10 हजार रुपये रोख हस्तगत करण्यात आले.

दरम्यान, तपासात उर्वरित चोरीचा मुद्देमालही हस्तगत झाल्याने या गुन्ह्यातील 8 तोळे 4 ग्रॅम सोने आणि रोख 10 हजार रुपये असा संपूर्ण मुद्देमाल पोलिसांच्या हाती लागला आहे. या कारवाईमुळे पाटोदा बसस्थानकातील चोर्‍याच्या गुन्ह्याचा छडा लागला आहे.

स्थानिक गुन्हे शाखा व पाटोदा पोलिसांच्या या कारवाईचे सर्वस्तरातून कौतुक होत आहे. प्रवासा दरम्यान महिलांनी आपली दागिने, रोख रकमेसह मौल्यवान वस्तू सांभाळाव्यात. गर्दीत वावरताना आजूबाजूस आनोळखी व्यक्ती धक्का देते असेल अथवा काही संशयास्पद हालचाल करत असेल, सावध पवित्रा घ्याव बसमधून प्रवासा दरम्यान शेजारील अनोळखी व्यक्तीच्या हालचालीवर बारकारईने लक्ष द्यावे काही अनुचित प्रकाराची जानिव होताच पोलिसांशी हेल्पलाईनवरून संपर्क साधण्याचे आवाहनही पोलिस अधिकार्‍यांनी केले आहे.

पोलिस अधिक्षक नवनित कॉवत यांच्या आदेशान्वये अपर पोलिस अधिक्षक समीर शेख, आष्टीचे उपविभागीय पोलिस अधिकारी विश्वजित खुळे यांच्या मार्गदर्शनाखाली पोलिस निरिक्षक शिवाजी बंटेवाड यांच्या नेतृत्वाखाली करण्यात आली.

पालिस उपनिरिक्षक शेखर औटे यांच्या पथकाने ही कारवाई केली. पथकामध्ये पोलिस हवालदार सोमनाथ गायकवाड, अशोक दुबाले, बाळासाहेब सानप, आनंद मस्के, महिला कर्मचारी स्वाती मुंढे, चंद्रकला नागरगोजे, पोलिस आमंलदार अशफाक सय्यद, मनोज परजणे, अश्विनकुमार सुरवसे, चालक पोलिस आंमलदार सिद्धार्थ मांजरे यांचा सहभाग होता.

बीड: विलास घुले हत्या प्रकरणी बीडचे खासदार बजरंग सोनवणे यांचे सुपुत्र सौरभ सोनवणे यसांच्या अटकेची मागणी करत घुले कुटुंबियांसह ग्रामस्थांनी आज शनिवारी (दि.12)पुन्हा आक्रमक पवित्रा घेतला. बीड-केज मार्गावर टायर जाळून तब्बल चार तास रास्तारोको करण्यात आला. या रास्तारोकोमुळे या मार्गावरील वाहतूक ठप्प झाली होती.

विलास घुले खून प्रकरणातील सीआयडीद्वारे सुरू असलेल्या तपासाची सद्यस्थिती लेखी स्वरुपाची दिली जावी, घटना घडली त्याच्या आदल्या दिवसींचा आरोपींशी फोन संवादाचा सीडीआरमध्ये समावेश करण्यात येवून सौरभ सोनवणे यास अटक करण्याच्या मागण्यांसाठी केज तालुक्यातील टाकळी फाटा येथे पुन्हा आंदोलन करण्यात आले.

विलास घुले यांच्या आक्रमक नातेवाईकांनी आणि स्थानिक नागरिकांनी बीड-केज राष्ट्रीय महामार्गावर तब्बल चार तास रास्ता रोको आंदोलन केले. आंदोलकांनी महामार्गावर टायर पेटवून प्रशासना विरोधात संताप व्यक्त केला. केज तालुक्यातील टाकळी फाटा येथील हॉटेल व्यावसायिक विलास घुले हे 29 जून 2026 रोजी दोन गटांत सुरू असलेले भांडण सोडवण्यासाठी गेला असताना त्यांचा पोटात धारदार चाकूने वार झाल्याने मृत्यू झाला होता.

या प्रकरणी पोलिसांनी सुरुवातीला 9 जणांवर गुन्हा दाखल केला होता. या प्रकरणातील पुरवणी जाबाबात बीडचे खासदार बजरंग सोनवणे यांचा मुलगा सौरभ सोनवणे याचे नाव आल्याने हे प्रकरण राज्यभर तापले. घुले कुटुंबीय आणि ग्रामस्थांनी खासदार पुताला अटक करण्याची आणि प्रकरणातील मुख्य सूत्रधारांचा शोध घेण्याची मागणी केली.

विलास घुले यांची हत्या होऊन तीन महिने उलटूनही मुख्य सूत्रधार सौरभ सोनवणे अद्याप पोलिसांच्या जाळ्यात कसा सापडला नाही? असा सवाल आंदोलकांनी उपस्थित केला. तपाय सीआयडीकडे वर्ग झाल्यानंतर नक्की काय ठोस कार्यवाही झाली? याबाबतची कोणतीही अधिकृत माहिती पीडित कुटुंबाला दिली जात नसल्याचा आरोप नातेवाईकांनी केला.

या आंदोलनामुळे बीड-केज महामार्गावरील दोन्ही बाजूंची वाहतूक पूर्णपणे ठप्प झाली होती. एसटी बसेस, मालवाहतूक गाड्या आणि खासगी वाहनांच्या लांबच लांब रांगा लागल्या होत्या. आंदोलक आपल्या भूमिकेवर ठाम राहिल्याने घटनास्थळी पोलीस यंत्रणा आणि जमावामध्ये शाब्दिक बचाबाची झाली. सुरुवातील सीआयडी तपासाची सद्यस्थिती आणि अटकेची मुदत लेखी स्वरुपात मिळेपर्यंत रस्ता सोडणार नाही, असा आक्रमक पवित्रा आंदोलकांनी घेतला होता.

मात्र, तहसीलदार आणि वरिष्ठ पोलीस अधिकार्‍यांनी तपासाबाबत योग्य ती कायदेशरीर पावले उचलण्याचे ठोस आश्वासन दिल्यानंतर तब्बल चार तासांनी आंदोलन मागे घेण्यात आले. तरीही, मुख्य सूत्रधार सौरभ सोनवणे याला येत्या काही दिवसांत अटक न झाल्यास संपूर्ण बीड जिल्हा बंद पाडून अधिक तीव्र लढा उभारण्याचा इशारा घुले कुटुंबीयांनी दिला.

संतत्प जमावाने बीड- केज महामार्गाच्या मध्यभागीच जुने टायर आणून पेटवून दिले. ऐन महामार्गावर आगीच्या उंच ज्वाला आधि धूराचे लोट उठल्याने बंदोबस्तावरअसलेल्या पोलिस प्रशासनाची धावपळ झाली. परिस्थिती हाताबाहेर जावत असल्याचे पाहून पोलिसांनी तत्काळ धाव घेत पेटते टायर बाजूला केले आणि आगीवर नियंत्रण मिळवले. कायदा व सुव्यवस्थेचा प्रश्न निर्माण होऊ नये म्हणून घटनास्थळी अतिरिक्त पोलीस कुमक, दंगा नियंतण पथक आणि महिलाव पोलीस कर्मचार्‍यांचा मोठा ताफा तैनात करण्यात आला होता.

घटनेचे गांभीर्य ओळखून केजचे तहसीलदार गोगावणे यांनी आंदोलकांची भेट घेऊन त्यांची समजूत काढण्याचा प्रयत्न केला. तसेच थेट बीडच्या जिल्हाकिधार्‍यांशी दूरध्वनीवरून संवाद साधून दिला. याशिवाय केज पोलिस ठाण्याचे पोलीस निरीक्षक राहुल सूर्यतळ यांनी आंदोलनकर्त्यांशी सकारात्मक चर्चा केली आणि मुख्य आरोपींच्या शोधासाठी विशेष पथके रवाना करण्यात आली असून लवकरच त्याला बेड्या ठोकल्या जातील, असे अश्वासन दिले.