जरांगे पाटलांच्या लिप्टचा अपघात, पहिल्या मजल्यावरून लिप्ट खाली कोसळली.

सुदैवाने इजा टळली, दरवाजे तोडून सर्व सहकारी बाहेर

मराठा आंदोलक मनोज जरांगे पाटील यांच्या प्रत्येक हालचालीकडे शासन, प्रशासनासह सर्व नागरिकांचे कायम लक्ष असते. मागील महिण्यापासून जरांगे पाटील बीडमधील विविध घटनांवरून सरकारकडे मागणी करत आहेत. यामध्ये ज्ञाणेश्वरी मंडे यांना न्याय मिळवून देण्याची भूमिका त्यांनी घेतली आहे. त्यातच त्यांचे सध्या बीड दौरेही वाढले आहेत, त्यामुळे त्यांच्या विविध ठिकाणी त्यांच्या गाठीभेटी असतात.

आज बीड दौर्‍यावर असतना मनोज जरांगे पाटील असलेल्या लिप्टचा अपघात झाल्याची घटना घडली. पहिल्या मजल्यावरून थेट जमिनिवर लिप्ट आदळल्याने अनेकांच्या काळजाचा ठोकाच चुकला होता. सुदैवाने मनोज जरांगे पाईल सुखरुप बाहेर आले.

बीडमधील लिप्ट अपघातात मनोज जरांगे पाटलांसह सहकारी थोडक्यात बचावले. बीड शहरातील शिवाजीराव क्रिटीकल केअर हॉस्पिटलमध्ये रुग्णाला भेटण्यासाठी ते जात होते. त्यावेळी,अचनाक लिप्ट बिघडल्याने अपघाताची घटना घडली. त्यावेळी, या लिप्टचे दरवाजी ताडून जरांगे पाटील यांच्यासह त्यांचे सहकारी बाहेर पडले. त्यामुळ अनेकांचा जीव भांड्यात पडला. मनोज जरांगे यांच्यावर मराठा युवकांसह लाखो कार्यकर्ते प्रेम करतात. त्यामुळे, त्यांची विशेष काळजी देखील घेतली जाते. त्यांच्यासोबत पोलिसांची सुरक्षा देखील कायम असते.

ओव्हरलोडमुळे लिप्ट कोसळली.

मनोज जरांगे पाटील यांचे सहकारी बीडमधील एका खासगी रुग्णालयात दाखल होते. त्याच रुग्णाला भेटण्यासाठी जरांगे पाटील रुग्णालयात आले होते. तळमजल्यावरून पहिल्या मजल्यावर जाण्यासाठी जरांगे पाटील यांच्यासह त्यांचे सहकारी लिप्टमध्ये गेले. परंतु, लिप्टमध्ये क्षमतेपेक्षा अधिक लोक आल्याने ती ओव्हरलोड झाली. त्यामुळे ही लिप्ट पहिल्या मजल्यावरून तळमजल्यावर कोसळली. या घटनेने रुग्णालय परिसरात एकच खळबळ उडाली. सुदैवाने जरांगे पाटील यांच्यासह कुणालाही दुखापत झालेली नाही.