नाचणार्‍या बाईवर जीव जडला, गेवाराईचा उपसरपंच जीवानिशी गेला

प्रेयसीच्या घरासमोर गाडीत अढळला मृतदेह; डोक्यात गोळी लागल्याने मृत्यू, हत्या की, आत्महत्या?

बीडच्या गेवराई तालुक्यातील लुखा मसला येथील उपसरपंचाचा डोक्यात गोळी लागून मृत्यू झाल्याची धक्कादायक घटना समोर आली आहे. ही घटना सोलापूरमधील बार्शी तालुक्यातील सासुरे येथे उघडकीस आली आहे. उपसरपंचाचा जागीच मृत्यू झाला असून ही हत्या आहे की आत्महत्या? याबाबतचा तपास पोसिल करत आहेत.

गोविंद बर्गे (वय 38) असं मयत उपसरपंचाचं नाव असून ते बीडमधील गेवराई येथील रहिवासी आहेत. दरम्यान, गोळी झाडून या तरुण सरपंचाने स्वत:ला संपवलं की या मृत्यूला हत्येची किनार आहे? याचा तपास पोलिस करत आहेत. या घटनेने सर्वत्र खळबळ उडाली आहे.

दरम्यान, गोळी मारून घेत गोविंद यांनी स्वत:ला संपवलं असल्याचं सर्वत्र बोललं जात आहे. पण तरीही पोलिस या घटनेचा कसून तपास करत आहेत. ही हत्याही असू शकते अशी शक्यता पोलिसांनी वर्तवली आहे. गेवराई तालुक्यातील दैठण येथील रहिवासी असलेले गाविंद बर्गे हे प्लॉटिंगचे व्यवसाय करायचे. त्यांच्या व्यवसायत चांगला जम बसलेला असतानाच त्यांचा संपर्क पारगाव येथील कलाकेंद्रातील पूजा गायकवाड या नर्तकीसी आला. त्यानंतर दोघांची जवळीक वाढली आणि एकमेकांनी प्रेमाच्या आनाभाका घेतल्या.

दरम्यान, या काळात गोविंद बर्गे यांनी सोन्या नाण्यांसह मागील काही दिवसांपूर्वीच सुमारे पावणे दोन लाख रुपयांचा एक मोबाईल देखील तिला घेऊन दिला होता. असं असतानाच दोघांमध्ये वितुष्ट निर्माण झालं. याचा समेट घडवण्यासाठी गोविंद बर्गे सोलापुरातील बार्शी तालुक्यातील सासुरे येथे आपल्या कारमधून काल सोमवारी मध्यरा़़त्री तिच्या घरी दाखल झाला अशी सुत्रांची माहिती आहे. एक काळ्या रंगाची कार गाव परिसरात संशयास्पद परिस्थितीमध्ये असल्याचं समजल्यानं वैराग पोलिसांनी घटनास्थळी धाव घेतली. पोलिसांनी घटनास्थळाची पाहाणी केली असता त्यांना गोविंद र्बे हे गाडीमध्येच मृत अवस्थेत पडल्याचे दिसून आले. त्यानंतर गाडीमध्येच एक पिस्तुल आढळून आली असून या बंदकीनेच डोक्यामध्ये गोळी घालून आत्महत्या केली असावी, असा प्रथम अंदाज व्यक्त करण्यात येत आहे. मात्र घटनास्थळी काही गोष्टी पोलिसांना संशयास्पद आढळल्या असून ही हत्या आहे का? याची देखील पडताळणी ते करीत आहेत.