सेक्स रॅकेटमधून 14 वर्षीय बांगलादेशी मुलीची सुटका

पालघरमध्ये पोलिस, बचाव संघटनांचा छापा, 10 जणांना अटक मुलीसह पाच पिडीतांचा समावेश

महाराष्ट्रातील पालघर जिल्ह्यात सेक्स रॅकेटमध्ये अडकलेल्या 14 वर्षाच्या मुलीची सुटका करण्यात आली आहे. पोलिस आणि बचाव पथकाने या मुलीची सुटका केली आहे. सुटका केल्यानंतर या मुलीने एक भयानक प्रसंग सांगितला आहे, जो धक्कादायक आहे . मीरा-भाईंदर, वसई-विरार पोलिसांच्या मानव तस्करीविरोधी पथक, स्वयंसेवी संस्था, एक्सोडस रोड इंडिया फाऊंडेशन आणि हार्मोनी फाऊंडेशनच्या मदतीने तिची सुटका केली.

मुलीने सांगितले की, ती बंगलादेशातील शाळेत एका विषयात अनुत्तीर्ण झाल्यानंतर घरातून पळून गेली आणि भारतात सीमेपलिकडे असलेल्या सेक्स रॅकेटमध्ये अडकली. पिडीतेच्या म्हणण्यानुसार, तीन महिन्यांत सुमारे 200 पुरुषांनी तिचे लैगिंक शोषण केले. तिला जबरदस्तीने वश करण्यासाठी तिला गरम चमच्याने ब्रेन्ड केले गेले, तसेच लवकर यौवन घडवून आणण्यासाठी शामक आणि हार्मोनल इंजेक्शन दिले गेले.

पोलिस अधिकार्‍यांच्या म्हणण्यानुसार, मुलीच्या जबाबाची पडताळणी केली जात आहे. 26 जुलै रोजी वसईच्या नायगाव येथील एका प्लॅटवर छापा टाकल्यानंतर आतापर्यंत 10 जणांना अटक करण्यात आली आहे, त्यापैकी सहा बांगलादेशी नागरिक आहेत. यामध्ये 14 वर्षाच्या मुलीसह पाच पिडीतांपैकी तीन जणांचा समावेश आहे. त्यांना महाराष्ट्रातील नवी मुंबई आणि पुणे तसेच गुजरात आणि कर्नाटकसारख्या ठिकाणी तस्करी करण्यात आल्याचा आरोप आहे.

दरम्यान जैविक बंदी केंद्रात दिलेल्या तिच्या जबाबात, मुलीने सांगितले की, तिला प्रथम गुजरातमधील नाडियाड येथे नेण्यात आले, जिथे तिच्यावर अत्याचार झाला. हार्मनी फाऊंडेशनचे अध्यक्ष अब्राहम मथाई यांनी पटीआयला सांगितले की, शाळेत एका विषयात अनुत्तीर्ण झाल्यानंतर मुलगी घारातून पळून गेली होती.

मथाई यांच्या माहितीनुसार ती तिच्या ओळखीच्या एका महिलेसोबत बेकायदेशीरपणे भारतात आली, ज्याने नंतर तिला वेश्याव्यवसायात ढकलले. पोलिस अधिकार्‍यांनी असेही सांगितले की, मुलीला पळून जाऊ नये म्हणून तिला शामक आणि हार्मोनल इंजेक्शन देण्यात आले होते. जेणेकरून तिला अकाली तारुण्य येऊ शकेल.एका अधिकार्‍याने पीटीआयला सांगितल की, तस्कर आणि दलालांनी तिला वश करण्यासाठी गरम चमच्याने जाळले होते.

मानवधिकार कार्यकर्ते मधु शंकर म्हणाले की, अशी अनेक प्रकरणे आहेत जिथे मुलींचे बालपणी अपहरण केले जाते आणि नंतर त्यांना इंजेक्शन देऊन अल्पवयीन असताना वेश्याव्यवसायात ढकलले जाते. पोलिसांचा असा विश्वास आहे की हे रॅकेट अधिक व्यापक असू शकते.

दरम्यान, पालघर छाप्यानंतर अटक करण्यात आलेल्यांमध्ये मुख्य आरोपी मोहम्मद खालिद अब्दुल बापरी (33) याचा समावेश आहे. ज्याने पिडितांना विविध शहरांमध्ये तस्करी केलेल्याचा आरोप आहे. झुबेर हारून शेख (38) हा देखील एजंट असल्याचे सांगितले जात आहे. त्यामुळे या व्यापक रॅकेटचा शोध घेण्यासाठी पोलिसांचे प्रयत्न सुरू आहेत. एमबीव्हीव्ही पोलिस प्रमुख निकेत कौशिक म्हणाले की, देशातील विविध ठिकाणी पथके पाठवण्यात आली आहेत. पोलिसांनी सांगितले की, 27 जुलै रोजी भारतीय न्याय संहिता, अनैतिक व्यापार ( प्रतिबंध) कायदा लैगिंक गुन्ह्यांपासून मुलांचे संरक्षण कायदा, बाल न्याय कायदा, परदेशी कायदा आणि पासपोर्ट कायद्याच्या तरतुदींनुसार गुन्हा दाखल करण्यात आला आहे.