उंटांनाही मिळणार मानवांसारखा पासपोर्ट!

सौदी अरेबिया उंटासाठी अधिकृत पासपोर्ट जारी करण्याची योजना आखत आहे. हा निर्णय सौदी संस्कृती आणि अर्थव्यवस्थेत उंटांची महत्वाची भूमिका अधारेखित करतो. देशाच्या पर्यावरण, पाण आणि कृषी मंत्रालयाचे उद्दिष्ट या उपक्रमाद्वारे उंटांच्या संख्येचे चांगले व्यवस्थापन करण्याचे आहे. उंट पालनात उत्पादकता आणिकार्यक्षमता वाढविण्यासाठी एक विश्वासर्ह राष्ट्रीय डेटाबेस तयार करणे हे आहे. मंत्रालयाने या हिरव्या पासपोर्टचे फोटो देखील शेअर केले आहेत, ज्यामध्ये सौदी अरेबियाचे राज्य चिन्ह आणि सोनेरी उंट आहे.

राज्य प्रसारक अल अखबारियाच्या मते, हा पासपोटृ उंटांचा व्यापार आणि वाहतूक सुव्यवस्थित करण्यास मतद करेल. शिवाय, हा दस्तऐवज उंट मालकांच्या हक्कांचे रक्षण करेल आणि मालकी सिद्ध करणे सोपे करेल. सरकारी आकडेवारीनुसार 2024 पर्यंत सौदी अरेबियामध्ये अंदाज 2.2 दशलक्ष उंट असतील. ही मोठी संख्या पहता, हा उपक्रम आणखी महत्वाचा आणि संबंधित मानला जातो.

उंट हे अरबी द्वीपकल्पात शतकानुशतके एक महत्वपूर्ण शक्ती राहिले आहेत. ते केवळ वाहतुकीचे साधन राहीलेले नाही तर संपत्ती, प्रतिष्ठा आणि सामाजिक प्रतिष्ठेचे प्रतीक देखील मानले गेले आहेत. आज उंट हे एक भरभराटीच्या प्रजनन उद्योगाचा भाग आहेत आणि वार्षिक उंट सौंदर्य स्पर्धांचे केंद्रबिंदू आहेत. या स्पर्धांमध्ये अनेक मौल्यवान उंट लाखो डॉलर्सना विकले जातात. अलिकडच्या वर्षात सौदी अधिकार्‍यांनी ओठ आणि कुबड्1या बदलण्यासारख्या बेकायदेशीर कॉस्मेटिक प्रक्रियांवर देखील बंदी घातली आहे, कारण त्या नैसर्गिक सौंदर्यासाठी हानिकारक मानल्या जातात.

2021 मध्ये प्रकाशित झालेल्या एका अभ्यासातून असे दिसून आले आहे की, सौदी अरेबियामध्ये सापडलेल्या 7000 वर्षे जुन्या उंटांच्या कोरीवकामातून देशाचा प्राण्याशी खोल ऐतिहासिक संबंध असल्याचे सिद्ध होते. अनाडोलू संस्थेनुसार, उंटासाठीचा हा पासपोर्ट एक व्यापक ओळख दस्तऐवज असेल. त्यात मायक्रोचिप क्रमांक, नाव, जन्मतारीख , जाती , लिंग , रंग, जन्मस्थान पासपोर्ट जारी रकण्याचे ठिकाण आणि स्थान यासारखी संपूर्ण माहिती असेल. ओळख पटविण्यासाठी पासपोर्टमध्ये दोन्ही बाजूंच्या उंटांचे स्पष्ट फोटो दखील समाविष्ट केले जातील.

या उंट पासपोर्टमध्ये एक स्वतंत्र लसीकरण टेबल देखील असेल,ज्यामध्ये सर्व पशुवैद्यकिय लसीकरणांची स्पष्टपणे नोंद असेल. हे रेकॉर्ड पशुवैद्यकाचे नाव, स्वाक्षरी आणि अधिकृत शिक्का वापरुन पुष्टी केले जातील. अनधिकृत आकडेवारीनुसार सौदी अरेबियामध्ये अंदाजे 80,000 उंट मालक आहेत.यामुळे सौदी अरेबिया जगातील आघाडीच्या उंट-मालक देशांपैकी एक बनला आहे.