जम्मू-काश्मीमध्ये निसर्गाचा कहर, ढगफुटीच्या आपत्तीत 44 जणांचा मृत्यू

जम्मू: जम्मू -काश्मीरच्या किश्तवाड जिल्ह्यातील ढगफुटीमुळे अचानक आलेल्या पुरानंतर मोठी जीवितहानी झाली आहे. या नैसर्गिक आपत्तीत आतापर्यंत किमान 44 जणांना आपला जीव गमवावा लागला आहे. त्याच वेळी सुमारे 120 हून अधिक जण जखमी झाले आहेत. तर सुमारे 200 हून अधिक जण बेपत्ता असल्याचे सांगण्यात येत आहे. दुसरीकडे किश्तवाडमध्ये ढगफुटीच्या घटनेनंतर केंद्रीय गृहमंत्री अमित शाह यांनी जम्मू आणि काश्मीरचे उपराज्यपाल मानेज सिन्हा आणि मुख्यमंत्री ओमर अब्दुल्ला यांच्याशी फोनवरून चर्चा केली आहे. या दरम्यान, गृहमंत्र्यांनी अश्वासन दिले की, केंद्र सरकार प्रत्येक परिस्थितीत जम्मू आणि काश्मीरच्या जनतेसोबत खंबीरपणे उभे आहे.

दरम्यान, ढगफुटीमुळे किश्तवारमध्ये झालेल्या विध्वंसात आतापर्यंत 44 जणांचा मृत्यू झाली माहिती समोर आली आहे. मात्र, येथील परिस्थिती लक्षात घेता मृतांचा आकडा अधिक असण्याची भीती व्यक्त केली जात आहे. याशिवाय 220 जण बेपत्ता असल्याची महिती देखील समोर आली आहे. या आपत्तीमध्ये सीआयएसएफचे दोन जवानही मृत्यूमुखी पडले आहेत. याशिवाय 120 जण जखमी झाले आहेत. जखमींना जवळच्या रुग्णालयात दाखल करण्यात आले आहे.

या दुर्घटनेनंतर प्रशासनाने तात्काळ कंट्रोल रुम स्थापन केलं आहे. ज्याद्वारे मदत कार्य सुरू करण्यात आलं आहे. जिथे ढगफुटी झाली तिथून सुमारे 15 किलोमिटर अंतरावर कंट्रोल रुम सुरू करण्यात आलं आहे. रूममध्ये 5 अधिकारी तैनात करण्यात आले आहेत. नागरिकांना 9858223125, 6006701934, 9797504078,8492886895,8493801381, 700646463710 या हेल्पलाईन नंबरवरून मतद घेता येणार आहे.

या शिवाय जिल्हा कंट्रोल रूमचे क्रमांक 01995-259555 आणि 9484217492 आहेत. किश्तवाड पोलिस कंट्रोल रूमचा क्रमांक 9906154100 आहे. प्रशासनाने नागरिकांना सर्वतोपरी मदत करण्याचे अश्वासन दिले आहे. अधिकार्‍यांचे म्हणणे आहे की, ते परिस्थितीवर सतत लक्ष ठेवून आहेत. बाधित लोकांना मदत साहित्य पोहोचवता येईल याची खात्री करण्यासाठी ते प्रयत्न करत आहेत.

किश्तवाडमधील ढगफुटीच्या घटनेनंतर केंद्रीय गृहमंत्री अमित शाह यांनी जम्मू- काश्मीरचे उपराज्यपाल मनोज सिन आणि मुख्यमंत्री ओमर अब्दुल्ला यांच्याशी फोनवरून संवाद साधला. गृहमंत्र्यांनी केंद्र सरकार प्रत्येक परिस्थितीत जम्मू-काश्मीरच्या जनतेसोबत खंबीरपणे उभे असल्याचे अश्वासन दिले. ‘एक्स’ या सोशल मिडिया प्लॅटफॉर्मवरील पोस्टमध्ये अमित शाह यांनी लिहिले की, किश्तवाड जिल्ह्यातील ढगफुटीच्या घटनेबाबत त्यांनी जम्मू-काश्मीरचे उपराज्यपाल आणि मुख्यमंत्र्यांशी बोललो. स्थानिक प्रशासन मदत आणि बचाव कार्य करत आहे. एनडीआरएफ पथके घटनास्थळी पोहोचली आहेत. आम्ही परिस्थितीवर बारकाईने लक्ष ठेवून आहोत आणि प्रत्येक परिस्थिती जम्मू- काश्मीरच्या जनतेसोबत खंबरपणे उभे आहोत. गरजू लोकांना सर्वतोपरी मदत करण्याचे अश्वासन दिले.