संतोष देशमुखांच्या हत्येच्या व्हिडिओचे पेनड्राईव्ह वाल्मिक कराडच्या वकीलांकडे, 23 डिसेंबर पुढील तारीख

बीड: सरपंच संतोष देशमुख हत्या प्रकरणात आज बीडच्या विशेष मकोका न्यायालयात सुनावणी पार पडलीया सुनावणी दरम्यान अनेक महत्वाच्या घटना घडल्या सुनावणी सुरू असताना सुदर्शन घुले याला चक्कर आली तर कोर्टात आज आरोपीच्या वकीलांना व्हिडिओचे तीन पेन ड्राईव्ह देण्यात आले. संपूर्ण सुनावणी दरम्यान एका लॅपटॉपची चर्चा झाली. चार्ज फेम साठी 23 डिसेंबरची तारीख देण्यात आली आहे.

सरपंच संतोष देशमुख हत्या प्रकरणात पुढील सुनावणी 23 डिसेंबर रोजी पार पडणार आहे. आरोपींच्या वकीलांना व्हिडिओ दिल्यानंतर पाहण्यासाठी आणि पुरावे तपासण्यासाठी वेळ न्यायालयाने दिला आहे. या संदर्भात बोलताना सरकारी पक्षोच वकील अ‍ॅड. बाळासाहेब कोल्हे म्हणाले की, आम्ही जास्तीचा पुरावा दिला आहे. त्याबाबतचा एक न्यायालयाचा निकाला दिला. आम्ही कोर्टात दिला आम्हाला तसा जास्तीचा पुरावा सादर करण्यासाठी न्यायालयाची परवानगी घेण्याची आवश्यकता नाही.

अ‍ॅड. कोल्हे माध्यमांशी संवाद साधताना पुढे म्हणाले की, आम्ही आरोपीच्या वकीलांना व्हिडिओचा पुरावा दिला आहे. आरोपींच्या वकीलांकडून आम्हाला तो व्हिडिओ पाहायचा आहे ते पाहायचं आहे असं म्हणून वेळकाढूपणा केला गेला. आम्ही त्यामध्ये कुठला पिक्चर टाकलेला नाही त्यामध्ये व्हिडिओ आहेत. तसेच उज्वल निकम यांना बदलण्यासंदर्भात कोर्टाला तसा अधिकार नाही, असेही बाळासाहेब कोल्ले म्हणाले.

सुनावणीसाठी पुढची तारीख मिळाल्यानंतर धनंजय देशमुख म्हणाले की, 100% यामध्ये वेळकाढूपणा केला जातोय, दोन महिन्यांपासून तेच तेच बोलत आहेत. येणार्‍या तारखेला चार्ज फेम व्हावा अशी अपेक्षा आहे. आरोपींना लिगल काय आहे ते माहित आहे ते लढत आहेत त्यामुळे आरेापींनी तसा अर्ज केला आहे. यावर सुद्धा कठोर पाऊलं उचलणं न्यायालयाने ठरवावं. कोणाला चक्कर येते इसीजी व्यवस्थित येतो. हा गुन्हा केलेला आहे तेच आज त्यांच्या डोक्यात आहे. निष्पाप माणसाला मारलेल्याची जाण त्यांना नाही. आणि समर्थन करणारे सुद्धा तेच करत आहेत. क्रृरता ते करत असल्याचंही धनंजय देशमुख म्हणाले.